INTERNETPI BIBLIOTECA Watchtower
INTERNETPI BIBLIOTECA
Watchtower
Quichua (Imbabura)
  • BIBLIA
  • PUBLICACIONGUNA
  • TANDANAJUICUNA
  • lvs cap. 11 págs. 147-158
  • ¿Imashinata cusahuarmicunaca ali causaita ushan?

Cai agllashca videoca nara tiapanllu.

Shuj jarcaimi tiapan, cunan horasca descargaitaca na ushapanguichu.

  • ¿Imashinata cusahuarmicunaca ali causaita ushan?
  • Taita Diosta juyashpa catipashunchi
  • Subtitulocuna
  • Cai temamandallata parlajuj información
  • JEHOVATAPASH ASHTAHUAN JUYAPANGUI, CUSAHUARMIPASH ASHTAHUAN JUYARIPANGUICHI
  • JEHOVATA JUYASHPAMI ALI LLEVARITA USHANGUICHI
  • ALIGUTA PENSARISHPA IMATAPASH NIPANGUI, RURAPANGUI
  • NA SHUJCUNAHUAN MAPAYANACHU CAPANCHI
  • ASHTAHUAN ALIGUTA INTINDIRIPANGUICHI
  • Cazaranataca Jehová Diosmi churarca
    Taita Diosta juyashpa catipashunchi
  • Cusahuarmipura cushilla ali causangapaca ¿imatata rurana can?
    Jehová Diospa Reinomandami Villajun 2016
  • Cazarashca causaita respetashunchi
    Jehová Diospa Reinomandami Villajun 2018
  • Cusahuarmi cushilla causangapaca Diospa ayudata mascaichi
    ¿Quiquinba familiaca cushilla causaita ushanllu?
Taita Diosta juyashpa catipashunchi
lvs cap. 11 págs. 147-158
Shuj cusahuarmica cushillami yanunajun

CAPÍTULO 11

¿Imashinata cusahuarmicunaca ali causaita ushan?

“Juyaica, ima horapash na tucurinllu” (1 CORINTIOS 13:8).

1, 2. Problemacunata charishpapash ¿cusahuarmicunaca ñaupaman catita ushanllu? ¿Imamandata shina nipangui?

CAZARANATACA Jehová Diosmi churarca. Huaquingunaca cazarashpami ashtahuan cushilla sintirin. Shinapash, tucui cazarashcacunami problemacunata charin. Huaquinbicarin, problemacunaca ashtahuan mirajunshnallami ricurin. Chaimandami huarmipash, cusapash ñana pundashna ali llevarinchichu yuyan.

2 Problemacunata charishpaca, cusahuarmicunaca na manllarinachu can. Problemacuna ricurijpipash, ñaupaman catita ushanmi. Huaquin cusahuarmicunaca jatun problemacunata charishpapash, na partirishpami aliguta intindirita ushashca. Chaipaca ¿imatata rurashca?

JEHOVATAPASH ASHTAHUAN JUYAPANGUI, CUSAHUARMIPASH ASHTAHUAN JUYARIPANGUICHI

3, 4. Huaquin cazarashcacunaca ¿imata pasan?

3 Cazarashcacunaca ishcandillatami shuj shuj gustocunata, shuj shuj yuyaicunata, shuj shuj costumbrecunata charin. Randimanda aliguta rijsirishpa intindiringapaca tiempo, esfuerzomi minishtirin.

4 Tiempohuanga, huarmipash cusapash paicunapa cosascunapi preocuparishpami randimanda caruyai callarin, huaquinbicarin na cazarashcacunashna can. Shinaca ali llevaringapaca ¿imatata rurai ushan?

Shuj cusahuarmica ishcandimi Bibliata estudianajun

Cusahuarmi cushilla causangapaca, Bibliapi consejocunatami minishtinchi.

5. a) Cusahuarmicuna ashtahuan ali llevarichunga ¿imatata Jehová Diosca cushca? b) Hebreos 13:4​pi nishca shinaca ¿imatata ñucanchi matrimoniomandaca yuyana capanchi?

5 Jehová Diosca cusahuarmicuna paiman ashtahuan quimirichun, paicunapura ashtahuan aliguta intindirishpa causachunmi alipacha consejocunata cun (Salmo 25:4; Isaías 48:17, 18). Paica ninmi: “Cazaraipash [o matrimonio causaipash] tucuipi alicachi tucushca cachun” nishpa (Hebreos 13:4). Jehová Diosca ñucanchi matrimoniota imapash ninan valishcatashna ricuchunmi munan. Chaimandami ñucanchi matrimoniotaca ninanda alicachishpa cuidana capanchi.

JEHOVATA JUYASHPAMI ALI LLEVARITA USHANGUICHI

6. Mateo 19:4-6​pica ¿imatata Jehová Diosca matrimoniomanda yuyan?

6 Jehovami cazaranataca callarichirca. Jesusca nircami: ‘Jaritapash, huarmitapash Taita Dios rurashcataca ¿nachu liishcanguichi? Diosca nircami: “Jarica taitatapash, mamatapash saquishpa, paipa huarmihuan causangapaj tandanajushpami, ishcai cashpapash, shujlla tucushpa causanajunga”’ nishpa. Chaimanda, ñana ishcaichu, shujlla cuerpomi [can]. Shina cashcamandami, Taita Dios tandachishcataca, runaca napacha shicanyachi ushana’ can nishpa (Mateo 19:4-6). Imashinami ricupanchi, Jehová Diosca cazarashcacuna aliguta intindirishpa, ama separarishpa cushilla, igual causachunmi munan.

7. Ashtahuan aliguta llevaringapaca ¿imatata cusahuarmicunaca ali intindina can?

7 Cunanbi cusahuarmicunaca ashtaca problemacunatami charin. Huaquinbicarin, ñana ushanichu yashpami partirinata yuyan. Shinapash, Jehová Dios imata pensajta ali intindishpami, ashtahuan aliguta llevarita ushan (1 Juan 5:3).

8, 9. a) Cusahuarmicunaca ¿imatata rurana capanchi? b) Ñucanchi matrimoniota ninan valishcatashna ricuimandaca ¿imatata na rurana capanchi?

8 Jehová Diosca ‘[matrimoniopash] tucuipi alicachi tucushca cachunmi’ mandan (Hebreos 13:4; Eclesiastés 5:4). Imata mandashpapash siempremi ñucanchipa alipallata mandan. Shinlli cajpipash pai imata mandashcata cazushpaca, alimi causashun (1 Tesalonicenses 1:3; Hebreos 6:10).

9 Ñucanchi matrimoniotaca ninan valishcatashnami ricunchi. Imacunatapash nishpa o rurashpa ñucanchi matrimoniota huaglichishpaca nalichu canman. Ashtahuangarin, aliguta intindiringapami munapanchi. Chaipaca ¿imacunatallata rurashun?

ALIGUTA PENSARISHPA IMATAPASH NIPANGUI, RURAPANGUI

10, 11. a) Huaquin cusahuarmicunaca ¿ima jatun problematata charin? b) Huarmihuan o cusahuanga ¿imamandata aliguta pensarishpa parlana capanchi?

10 Jesusta catij cusacunaca, paicunapa huarmita nunca na macana cashcataca alimi yachan. Shinapash ¿imata rurashpata ninanda llaquichinman? Shuj huarmiguca nircami: “Ñuca cusa na macahuajpipash, imacunatapash nishpa rimajpimi shungupica chugrishcashna cani. Paica siempremi, ‘imapapash na sirvij, na vali’ nishpalla rimahuan” nin. Shuj cusaca nircami: “Ñuca huarmica na valichishpami nali shimicunahuanlla rimahuan. Pai ima nishcata cutin ningapaca pinganayanmi. Paihuan parlaitaca na ushanichu. Trabajopirapash tranquilo sintirishpami, tutacaman trabajopi quedani” nin. Cunanbi gentecunaca shujcunata nali sintichingapallami imacunatapash nin.

11 Cusahuarmicuna imacunatapash shimi cacharishcata nirishpaca, imahuanbash shungupi tujsinshnami nirinajun. Chashna rimashcacunataca na fácil cungai usharinllu. Jehová Diosca, cusahuarmicuna shina rimarinajuchunga na munanllu. Huaquinbica yuyanchimi, ñucaca ali shimicunahuanmi tratani nishpa. Shinapash quiquinba huarmi o cusaca ¿imatata yuyan? Quiquin imatapash nishpa llaquichishca cashpaca ¿nachu cambiangapaj munapanguiman? (Gálatas 5:15; Efesios 4:31, liipangui).

12. ¿Imamandata huarmi o cusaca Jehovapa ñaupajpi na ali ricurita ushanman?

12 Gentecunapa ñaupajpi cashpa, o paicunalla cashpa cusahuarmicuna imashina tratarinajujtaca Jehová Diosca ricujunmi (1 Pedro 3:7, liipangui). Bibliapica ninmi: ‘Maijanbash: “Taita Diostaca aligutapachami yarijuni” nishpa paipa shimi rimashcata na jarcashpaca, paillatamari pandarijun. Taita Diosta yarijunimi nishcapash yanga yangami’ can nishpa (Santiago 1:26, MTQI ).

Shuj cusahuarmica cushillami yanunajun

13. ¿Imata rurashpata huarmita o cusataca na ali sintichinchiman?

13 Pensaripashun: Quiquinba huarmi o cusa shuj huarmihuan o shuj jarihuan ashtahuan parlajujta ricushpaca ¿imashinashi sintiripanguiman? Huaquinbica villachinamanda, o imapash problemapi ayudangapaj munashcamandami paicunahuan parlajuna tucun. Shinapash quiquinba huarmi o cusaca ¿imashinashi sintiringa? Shuj paniguca nircami: “Ñuca cusa shuj ñañaguta ayudangapaj paihuan ashtaca tiempota parlajujta ricushpaca, ñucata na sirvichihuanllu yashpami llaquilla sintirini” nishpa.

14. a) ¿Imatata Génesis 2:24​pica yachachijun? b) ¿Imatata tapurina capanchi?

14 Jesusta catijcunaca, taitamamata, congregacionbi huauquipanicunata ricuna obligaciondami charipanchi. Shinapash cazarashpaca, ñucanchi huarmipi o cusapimi pundapica preocuparina capanchi. Jehová Diosca nircami, cusaca ‘paipa huarmihuan tandanajushpami’ causana can nishpa (Génesis 2:24). Huarmi o cusa imashina sintirijujtaca yaipimi charina capanchi. Tapuripai: “¿Ñuca huarmita o cusata ninanda juyashcata ricuchinichu? ¿Pai minishtijuj tiempotachu paihuan yalini?” nishpa.

15. ¿Imamandata cazadocunaca shuj huarmihuan o shuj jarihuanga na yapata llevarina can?

15 Shuj huarmihuan o shuj jarihuan yapata llevarishpaca, ñucanchi matrimoniopimi problemacunata charishun. Huaquinbicarin paitara juyai callarishpami, imacunatapash rurashpa ñucanchi matrimoniota huaglichinchiman (Mateo 5:28).

NA SHUJCUNAHUAN MAPAYANACHU CAPANCHI

16. Bibliapica ¿imatata cazadocunataca mandan?

16 Bibliapica “cazaraipash tucuipi alicachi tucushca cachun” nishca jipami, “cazarashca jahua shujhuan causajcunataca, Taita Diosmi ninanda llaquichinga” nin (Hebreos 13:4, Proverbios 5:18). Shinaca ¿imashinata cusahuarmicunaca cusahuanlla, huarmihuanlla canata respetashcata ricuchita ushan?

17. a) ¿Imatata ashtaca gentecunaca nin? b) Jesusta catijcunaca ¿imatata shujhuan faltapi urmanamandaca yuyana capanchi?

17 Huaquin gentecunaca ninmi: “Shuj huarmita, shuj jarita charinaca na juchachu can” nishpa. Shinapash na chai yuyaicunata catinachu capanchi. Jehová Diosca intindirijtami nin, nara cazarashpata pacta puñunata, cazarashca jahua shujhuan puñunatapash millanayachinimi nishpa (Romanos 12:9, liipangui; Hebreos 10:31; 12:29). Shuj huarmihuan o jarihuan puñushpaca ñucanchi matrimoniotami mapayachinajunchiman. Jehovapa mandashcacunatapash na respetashcata, paipa amigo cangapapash na munashcatami ricuchinajunchiman. Shuj huarmihuan o shuj jarihuan ama juchapi urmangapaca, paicunahuan cana pensamientocunataca nimamanda na charinachu capanchi (Job 31:1).

18. a) Shuj huarmihuan o jarihuan faltapi urmanaca ¿imashinata yanga dioscunata adorajuj cuenda carca? b) Shuj huarmihuan o jarihuan falta urmanamandaca ¿imatata Jehová Dios yuyan?

18 Moisesman Cushca Leypi nishca shinaca, shuj huarmihuan o shuj jarihuan puñunaca yanga dioscunata adorajui cuendami carca. Chai ishcai juchata rurajcunaca huañuchi tucunami carca (Levítico 20:2, 10). Imashinami yanga dioscunata adorashpaca Jehová Diostallami adorasha nishcataca na pactachinajurca, shinallatami shuj huarmihuan o jarihuan faltapi urmashpaca huarmitalla o cusatallami juyasha nishcataca na pactachinajurca (Éxodo 19:5, 6; Deuteronomio 6:8,9; Malaquías 2:14, liipangui). Imashinami ricupanchi, shuj huarmihuan o jarihuan faltapi urmanaca, Jehovapaca jatun juchami can.

19. Ama shujhuan faltapi urmangapaca ¿imatata yaipi charina capanchi?

19 Moisesman Cushca Leycunata catina ñana minishtirijpipash, Jehová Diosca cunangamanmi shuj huarmihuan shuj jarihuan faltapi urmanataca millanayachin. Imashinami yanga dioscunataca na adoranchiman, shinallatami huarmita o cusataca nunca na traicionana capanchi (Salmo 51:1, 4; Colosenses 3:5). Shujcunahuan faltapi urmashpaca, ñucanchi matrimoniotami mapayachinajunchiman, Jehovatapash pingaichinajunchiman (nota 26​ta ricupangui).

ASHTAHUAN ALIGUTA INTINDIRIPANGUICHI

20. ¿Imamandata cusahuarmicunapaca, ali yuyaita charinaca ali can?

20 Bibliapica ninmi: ‘Alipacha [yachaihuanmi] huasi ucupurataca huasichinshna shayachinga. Aligutapacha yarishpami, shinllitapacha shayachinga’ nishpa (Proverbios 24:3). Shuj huasica chushaj o ashtaca cosascunatami charita ushan. Cusahuarmicunapash, ali yuyaihuanmi paicunapa matrimonio ama tucurichun, aligu ricurichunga esforzarina can.

21. Ali yachaita charinaca ¿imashinata ashtahuan ali causachun ayudan?

21 Bibliapica ninbashmi: ‘Ali yachajushcahuanmi huasi ucucunapica juyailla charinacunata jundachinga’ nishpa (Proverbios 24:4). Bibliamanda aliguta yachajushpami quiquinba huarmihuan, cusahuanga ashtahuan ali causaita ushapanguichi (Romanos 12:2; Filipenses 1:9). Bibliatapash, ñucanchi publicaciongunatapash igual liishpaca, chaipi consejocunata imashina pactachinata parlaripanguichi. Juyaihuan, respetohuan, considerashpa trataringapaj esforzaripanguichi. Quiquinba huarmi o cusa quiquinda ashtahuan juyachun, paihuan ashtahuan aliguta intindiringapaca, cada unomi ashtahuan mejorangapaj ayudahuai nishpa Jehovata mañana capanguichi (Proverbios 15:16, 17; 1 Pedro 1:7).

Shuj cusahuarmica ishcandimi Bibliata estudianajun

Familiahuan Adorana Tutapica Jehová Dios ayudachun saquipanguichi.

22. ¿Imamandata cusahuarmicunaca juyaihuan, respetohuan tratarina capanchi?

22 Cusahuarmicunaca juyaihuan respetohuan tratarishpami, ashtahuan aliguta intindirishun, cushilla causachun, ashtahuanbachaca Jehovata cushichishun (Salmo 147:11; Romanos 12:10).

JEHOVAPA YACHACHISHCACUNA

1 CAZARASHCACUNACA JEHOVÁ DIOSTA ALICACHISHCATAMI RICUCHITA USHAN

“Juyaica, ima horapash na tucurinllu” (1 Corintios 13:8).

Problemacunata arreglangapaca ¿imatata cusahuarmicunaca ruraita ushan?

  • Eclesiastés 5:4; Mateo 19:4-6

    Tucui cusahuarmicunami problemacunata charin. Shinapash ñaupaman catita ushanmi.

  • Salmo 25:4; Isaías 48:17, 18; Mateo 6:33, 34

    Cusapash huarmipash Jehovapa ashtahuan ali amigocuna cangapaj esforzarishpaca, paicunapashmi ashtahuan ali llevarin.

2 IMATA NISHPAPASH, IMATA RURASHPAPASH HUARMITA CUSATAMI LLAQUICHITA CUSHICHITA USHANCHI

“Shujlla aicha tucushpa causanajunga” (Génesis 2:24).

Ñucanchi huarmita o cusata ama llaquichingapaca ¿imacunatata rurana capanchi?

  • Mateo 5:28; Efesios 4:31

    Pensamientopillapash huarmita o cusataca na traicionanachu capanchi. Paicuna imashina sintirijtaca siempre yaipi charipashunchi. Llaquichijushcata sintishpaca, uchalla cambiangapaj esforzaripashunchi.

  • Gálatas 5:15

    Macashpa o imacunatapash nishpa ñucanchi huarmita, cusataca na llaquichinachu capanchi. Shinlli shimicunata nishpaca ñucanchi matrimoniotami huaglichishun.

  • Proverbios 5:18; Hebreos 13:4

    Jehová Diospa ricuipica shuj huarmihuan o shuj jarihuan faltapi urmanaca jatun juchami can. Ñucanchi huarmita o cusata nunca ama traicionangapami decidirishca cana capanchi. Ñucanchi matrimoniotapash ninan valishcatashnami ricuna capanchi. Ñucanchi huarmitapash, cusatapash, Jehovatapash na pingaichinachu capanchi.

3 ASHTAHUAN ALIGUTA INTINDIRITA USHANGUICHIMI

‘Alipacha [yachaihuanmi], huasi ucupurataca huasichinshna shayachinga’ (Proverbios 24:3).

Cusahuarmipura ashtahuan ali llevaringapaj, cushilla causangapaca ¿imacunatata rurana capangui?

  • Proverbios 24:4; Mateo 6:14, 15; Romanos 12:2; 1 Pedro 3:1

    Quiquinba huarmihuan, cusahuan parlangapami tiempota llujchina capangui. Juyaihuan, respetohuan tratangui. Uchalla perdonanatami yachajuna capangui.

  • Proverbios 14:1; 31:29; Filipenses 1:9; 2:4; 1 Pedro 3:7

    Jehovataca ashtahuan ali cusa, ali huarmi cangapaj mañapangui. Ashtahuan juyashpa, considerashpa tratangapapash esforzaripangui.

  • Romanos 12:10; 1 Pedro 4:8

    Quiquinba huarmita, cusata alicachishcata, respetashcata ricuchishpaca, ashtahuan cushillami causanguichi. Jehová Diostapashmi cushichinguichi.

    Quichua Imbabura publicacionguna (1993-2026)
    Llujshingapaj
    Caipi yaicupai
    • Quichua (Imbabura)
    • Cai informacionda shujcunaman cachangapaj
    • Configuración
    • Copyright © 2025 Watch Tower Bible and Tract Society of Pennsylvania
    • ¿Imashinata utilizana can?
    • Quiquinba datocunataca alimi cuidashun
    • Configuración de privacidad
    • JW.ORG
    • Caipi yaicupai
    Cai informacionda shujcunaman cachangapaj