LECCIÓN 1
Parlai callaringapaj
Hechos 17:22
¿IMATATA RURANA CAPANGUI? Uyanayachina cosascunata parlashpami callarina capangui. Callarijushpallatami, ima temata parlagrijushcata, chai temamanda yachana imamanda ali cashcatapash ricuchi ushapangui.
¿IMASHINATA RURANA CAPANGUI?
Quiquinda uyangapaj munachunga shuj tapuitami rurai ushapangui. Noticiapi imata uyashcatapash, llactapi ima pasashcatapashmi parlai ushapangui.
Ima temata parlagrijushcataca ninami capangui. Quiquinda uyajcunapash, quiquin imata nigrijushcata yachachunga, callarimandami quiquin imata nigrijushcata, imamanda nigrijushcataca nina capangui.
Chai tema imamanda importante cajtami ricuchina capangui. Quiquinda uyajcuna imata minishtinajujta ricushpami, chaicunamanda parlana capangui. Chai temamanda yachana paicunapallata ali cashcatapashmi ricuchina capangui.