LECCIÓN 8

Ali chimbapuraicunata churapangui

Mateo 13:34, 35

¿IMATATA RURANA CAPANGUI? Alicachishpa uyachun, importante yuyaicunatapash intindichunga, intindirinalla chimbapuraicunatami churana capangui

Intindirinalla chimbapuraicunata churapangui. Na intindi ushanalla yuyaicunata, importante yuyaicunataca Jesuspa ejemplota catishpami, jahualla chimbapuraicunata churashpa intindichina capangui. Shinapash, shuj chimbapuraita churashpaca, na tauca yuyaicunamandachu parlana capangui. Tauca yuyaicunamanda parlajpica, minishtirishca yuyaitaca na intindishpami gentecunaca shuj cosascunapira pensaringa.

Quiquinba ladocunapi imacunalla tiajta ricushpa, ñucanchi publicaciongunapi ricushpa o ali yachachij huauquicunata uyashpami chimbapuraicunata imashina utilizanata yachajui ushapangui. Shinami, ashtahuan ali yachachingapaj maijan chimbapuraicunata utilizanalla cashcata ricushpa, chai chimbapuraicunataca anotashca chari ushapangui.
Quiquinda uyajcunapi pensaripangui. Quiquinda uyajcuna rijsishca o paicuna alicachina chimbapuraicunata churapangui. Gentecunata pingaichina, nali sintichina chimbapuraicunataca na churanachu capangui.
Yachachingapaj munashca yuyaita intindichipangui. Minishtirishca yuyaicunata intindichingapami, chimbapuraicunataca churana capangui. Chimbapuraita yarichun munashpapash, minishtirishca yuyaita yarichunmi ashtahuanga esforzarina capangui.