LECCIÓN 12

Juyashcata, intindishcata ricuchipangui

1 Tesalonicenses 2:7, 8

¿IMATATA RURANA CAPANGUI? Quiquinda uyajcunapi preocuparishcata ricuchishpami parlana capangui.

Quiquinda uyajcunapi pensaripangui. Shungumanda parlangapami, quiquinda uyajcuna ima problemacunata charijta, imashina sintirijta intindingapaj esforzarina capangui.
Ali shimigucunahuan parlapangui. Quiquinda uyajcunata animashpa, cushichishpa, shinlliyachishpa parlangapaca, ali shimicunata agllapangui. Imacunatapash nishpa pingaichina, o na Testigo gentecunata, o paicunapa crishcacunata nalicachishpa parlajunaca nalichu canman.
Quiquinda uyajcunapi preocuparishcata ricuchipangui. Shujcunapi preocuparishcataca, quiquinba ñavihuanbash, parlohuanbashmi ricuchina capangui. Ratogu ratogu ashaguta asishpa parlanapash alimi can.

Quiquindara ama ricunajuchunga, imatapash parlajushpa o liijushpaca na yapata cushilla o llaquillachu parlajuna, liijuna capangui. Quiquin parlajushca ali uyarichunga, “ricui, shamui” ninapa randica, “pa” letraguta yapachishpami “ricupai” o “shamupai” nishpa parlana capangui.