Caita liipangui

ACOMODADORCUNA Acomodador huauquicunaca quiquingunata ayudangapami can. Shinaca carrota maipi saquinata, mashna asientocunata japinata, maita rinata nijpipash paicunata cazunami capanguichi.

ASIENTOCUNA Ama cungapanguichichu, asientocunataca ñucanchi familiapa, ñucanchihuan causajcunapa, ñucanchi carropi ñucanchihuan shamujcunapa o ñucanchihuan Bibliata yachajujcunapallami japina capanchi. Shuj asientocunata na ocupagrijushpaca asiento jahuapica imatapash na churanachu capanguichi.

BAUTISMO Bautizarigrijcunapa discursotaca sábado tutamandatami uyachinga. Bautizarigrijushpaca shuj toallata, armana ropatapash apashpami chai discurso nara callarijpillata ñaupajpi quiquingunaman alichishca asientocunapi tiarina capanguichi. Imapash cambiocuna tiajpica uchallami villapashun.

CONTRIBUCIONGUNA Cai jatun tandanajuipi cushijushpa yachajuchun, Diosman ashtahuan quimirichunmi huaquin arreglocunata rurapashcanchi. Ali sonido, ali asientocuna, minishtirishca cosascuna tiachun, videocunata ali ricui ushangapaca culquigumi minishtirin. Quiquinguna cushca culquigucunami jatun tandanajuicuna tiachun, mundo enteropi Reinomanda villashpa catichunbash ayudan. Cai ucupica, contribuciongunapa tauca cajacunatami churapashcanchi. Internetpi donate.jw.org paginapipashmi contribuciongunata cuita ushapanguichi. Quiquingunapa contribuciongunamandaca Cuerpo Gobernanteca ninandami agradicipan.

TARISHCA COSASCUNATA SAQUINA UCU Imatapash tarishpaca chai ucupimi saquigrina capanguichi. Shinallata imata chingachishpapash chaipillatami tapugrina can. Chingashca huahuacunatapash chaimanllatami apana can. Quiquingunapa huahuacunataca aligutami ricuriana capanguichi.

PRIMEROS AUXILIOS Chaimanga minishtirijpipachallami rina capanguichi.

AYUDANGAPA MUNAJCUNA Jatun tandanajuipi ayudangapaj munashpaca información nishca, servicio voluntario nishca pushtupimi tapungapaj quimirinallami capanguichi.

SHUJ TANDANAJUICUNA

Diospa Reinomanda Villachijcunapa Escuelaman Ringapa Munajcunapa Precursorcuna cashpa, 23 huatamanda 65 huatacaman charishpa, ashtahuan tiempota villachingapaj munashpaca, domingo chishipi shuj tandanajuiman shamupangui. Maipi, imahorasta canataca jatun tandanajuipimi villapashun.