PARLAI CALLARINGAPAJ
LECCIÓN 6
Ama manllapaichu
Bibliapica ninmi: “Taita Diosmi, paipa ali villaicunata na manllashpa quiquingunaman predicachunga ayudarca” (1 Tes. 2:2).
Jesús imata rurashcata ricupashunchi
1. VIDEOTA ricupai o Lucas 19:1-7ta liipai. Liishca jipaca cai tapuicunata contestapai:
¿Imamandata huaquin gentecunaca Zaqueo runaguhuanga na parlan carca?
¿Imamandata Jesusca Zaqueo runagumanga villachirca?
Jesuspa ejemplomandaca ¿imatata yachajupanchi?
2. Tucui gentecunaman villachingapaca valiente canami minishtirin.
Jesuspa ejemplota catipai
3. Jehová Diospi confiapangui. Jehovapa espíritu santomi Jesustaca na manllashpa villachishpa catichun ayudarca. Quiquindapashmi shinallata ayudaita ushan (Mat. 10:19, 20; Luc. 4:18). Chaimandami pimanbash villachinata manllajushpaca Jehovapa ayudata mañana capangui (Hech. 4:29).
4. Na agllashpalla villachipai. Huaquinbica pobre o charij cajta ricushpa o imashna causajta ricushpami gentecunahuan parlanataca manllanchi. Chashna manllajushpaca:
Jehová Diospash Jesuspash gentecunapa shunguta ricujtami yuyarina capangui.
Jehová tucui gentecunata juyajtapashmi yuyarina capangui.
5. Na manllashpa, aliguta yuyashpa parlapai (Mat. 10:16). Respetohuan na culirashpallami parlana capagui. Gentecuna na uyangapaj munashcata cuenda japishpa o villachishpa catinata na seguro cashpaca, aligumanmi parlanataca saquina capangui (Prov. 17:14).