Revisitacunata rurapai

Pablo imata rurashcata ricupashunchi

VIDEO: Apóstol Pabloca Éfeso llactapimi villachishpa y yachachishpa catin.

1. Chaipaca VIDEOTA ricupai o Hechos 19:​8-10​ta liipai. Liishca jipaca cai tapuicunata contestapai:

1. ¿Imamandata apóstol Pabloca, jarcaicunata charishpapash villachishpa catirca nita ushapanchi?

2. Apóstol Pabloca ¿mashna viajecunatata gentecunata cutin visitangapaj rin carca? ¿Imauracamanda chaitaca rurarca?

Apóstol Pablopa ejemplomandaca ¿imatata yachajupanchi?

2. Revisitacunata rurashpa Bibliamanda yachachi callaringapaca tiempo y esfuerzomi minishtirin.

Apóstol Pablopa ejemplota catipai

3. Gentecunapa horarioman adaptaripai. “¿Imaurata Bibliamanda yachachingapaca tiempota charini? ¿Ima horaspita, maipita Bibliamanda yachajungapaj munanga?” nishpami tapurina capangui. Bibliamanda yachajungapaj munaj gentecunataca imaura cashpapashmi cutin visitangapaj tigrana capangui.

4. Imaura cutin visitai ushashcata tapupai. Villachinata nara tucuchishpallatami, Bibliamanda yachachingapaj imaura cutin tigranata, ima punlla tigranataca de acuerdo quedana capangui. Y chaita pactachingapaj esforzarinami capangui.

5. Revisitacunata rurashpa catipai. Revisitacunata huasipi na tarishpa o ocupado cajta ricushpaca, na yachajungapaj munanllu nishpaca na pensanachu capangui (1 Cor. 13:​4, 7). Mas bien Bibliamanda yachachingapami visitashpa catina capangui. Shinapash tiempotaca alimi aprovechana capangui (1 Cor. 9:26).