Intindirinalla, facilllaguta yachachipai

Jesús imata rurashcata ricupashunchi

VIDEO: Jesusca, Jehová Dios ñucanchicunata cuidajushcataca shuj ejemplohuanmi yachachin

1. Chaipaca VIDEOTA ricupai o Mateo 6:​25-27​ta liipai. Liishca jipaca cai tapuicunata contestapai:

1. Jesusca, Jehová Dios ñucanchicunata cuidajushcata yachachingapaca ¿ima ejemplotata utilizarca?

2. Jesusca ¿imamandata pajarocunamanda parlarca? ¿Imamandata chai ejemplohuan yachachinaca ali carca nipanchi?

Jesuspa ejemplomandaca ¿imatata yachajupanchi?

2. Intindirinalla, facilllaguta parlajpica gentecunaca yachachishcacunataca yuyarita ushangami. Y chai yachachishcacunaca paicunapa shungumanmi chayanga.

Jesuspa ejemplota catipai

3. Ama yapata parlapai. Bibliamanda yachachijushpaca, yachachingapaj publicaciongunapi llujshishca informaciondallami utilizana capangui. Pacienciahuanmi contestachun shuyana capangui. Shinapash naliguta contestajpi o Bibliapa yachachishcacunahuan na de acuerdo caj yuyaicunahuan contestajpica, aliguta intindichunmi shuj tapuicunata rurana capangui. Ña intindishcata ricushpaca, cati yuyaiman yalinallami capangui.

4. Estudiantecuna ña yachashca yuyaicunata utilizashpa, mushuj yuyaicunata yachachipai. Por ejemplo, huañushcacuna causarinata ña yachajta ricushpaca, chai temamanda parlaj lecciondaca repasanatallami minishtinga.

5. Fácil, intindirinalla ejemplocunata utilizapai. Ejemplocunahuan yachachigrijushpaca:

1. “¿Fácil, intindirinalla ejemplocunatachu utilizagrijuni?”.

2. “¿Chai ejemplotaca intindingacha?”.

3. “¿Imata yachachingapaj munajushcataca, intindingacha?” nishpami tapurina capangui.