CALLARI TEMA | ¿IMA HORASHI TUCUICUNAHUAN ALI CAUSASHUN?

Mundo enteropimi gentecunaca ñavita ricushcandi nalicachin

JONATHANGA Estados Unidospimi nacirirca. Paipa taitamamaca Corea llactamandami can. Taitamamashnalla cajpimi Jonathan huahuagu cajpica shujcunaca ninanda nalicachishpa ricun carca. Chaimandami Jonathanga doctor tucungapaj estudiashpa, jipamanga Alaska chiri chiri llactapi causangapaj rirca. Chaipi gentecunaca Corea llactamandashnallatami carca. Chaimandami paica, pipash caipica na imatapash nihuangachu yarca.

Shuj punllaca 25 huatacunata charij joven huarmigutami Jonathanga atindijurca. Chai huarmiguca huañushcashnami carca. Shinapash ali tucushpa rijcharishpaca, coreanocunata ninanda na ricunayachishpami chai huarmica Jonathandaca plitushpa saquirca. Chaimandami Jonathanga yarca, maiman rijpipash gentecunaca ricushcandimi na ricunayachihuan nishpa.

Imashinami ricunchi, ricushcandi na ricunayachij gentecunaca tucui ladocunapimi tian.

Shinapash ashtaca gentecunaca ninmi, ñavita ricushcandi na ricunayachinaca nalichu can nishpa. Huaquingunaca nalichu can nishpapash paicunallatami gentecunataca ñavita ricushcandi na ricunayachin. ¿Ñucanchicunapashchu chai gentecunashna canchi?

TUCUICUNALLATAMI SHUJCUNATACA IMAGUMANDAPASH NALICACHISHPA RICUNCHI

Gentecunaca tucuicunallatami yashcanchi, ñucaca na chashnachu cani nishpa. Shinapash Bibliapica ninmi: ‘Runapa shunguca umachinllami’ nishpa (Jeremías 17:9). Ñucanchi shungu pandachijpimi, ñucaca tucuicunatami igual tratani, nali cajpillami nali tratani yanchi.

[Epigrafe de página 4] — Quiquin caipi cashpaca ¿imashinata sintiripanguiman?

Cunanga pensaripashunchi. Yana yana, chulunlla ñanda rijujpi ñapash ishcai jatun jaricuna ricurishcanman. Shujca imatapash maquipi charijushna cashcanman.

Chai jaricunata ricushpaca ¿manllaripanguimanllu? Ima horapash llaqui apashcamandaca paicunata ricushcandimi manllarinchiman. Shinapash ¿ciertopachachu paicunataca manllana canchi? Chai ishcai jaricunata ricushpaca ¿maijan lado gentecuna cajtata yanguiman? ¿Imatata ñucanchi shungupica yanchiman?

Aliguta pensarishpaca, tucuicunallatami imagupipash ñavita ricushcandi shujcunataca nalicachishcanchi. Bibliapica ninmi, runacunaca ‘ñavipi ricurishcatallami ricun’ nishpa (1 Samuel 16:7). Imashinami ricunchi, huaquinbica tucuicunallatami manapash ali yachashpata gentecunataca paica cashnami chashnami nishpa rimashcanchi. Chashna pensamientocunataca ¿imashinata ñucanchi shungumanda anchuchita ushanchi? ¿Ima horashi chashna gentecunaca chingaringa?

TUCUI LADO GENTECUNACA ¿IMASHINATA CAN?

Canadá: “Canadá llactapica, na ñavita ricushcandichu gentecunataca millanayachina canchi nishpami ashtaca leycunata llujchishca. Shinapash chay leycunataca pipash na cazunajunllu”. (Un informe de Amnistía Internacional sobre Canadá elaborado en 2012).

Europa: “Europa llactacunapica ashtaca ashtaca gentecunami nin, ñavita ricushcandi shujcunata na millanayachingapaj leycuna tiajpipash chai leycunata cazuchingapaca na imatapash ruranllu” nishpa. (Intolerance, Prejudice and Discrimination: A European Report, 2011.)

África: Ashtaca llactacunapimi huarmicunataca ninanda maltratashpa, na ricunayachishpa charin”. (Informe anual 2012, Amnistía Internacional.)

Nepal: “Dalits (o intocables) nishca gentecunataca culqui illaj, pobrecuna nishpami shuj gentecunaca na ricunayachin”. (Human Rights Watch World Report, 2012)

Europa del Este: “[Romaníes o gitanos] nishcacunataca paicunapa llactapica na ricunayachinllu. Cutin shuj llactacunapica imacunamandapash gitanocunatallami juchachin. Politicocunaca parlaitallapash gitanocunamandaca na parlanayachinllu”. (The Economist, 4 de septiembre de 2010.)