BIBLIAMANDA TAPUICUNA
¿Imapata Jesusca tigramunga?
Huata 33pi nara cieloman rishpallatami Jesusca pai tigramunata parlarca. Paica caru llactaman rishpa, jipa punllacuna llactata mandangapaj tigramuj runa cuendami casha nircami. Shinaca gentecunata ali mandangapami Jesusca tigramuna carca. (Lucas 19:11, 12, liipangui.)
Jesusmi gentecunataca ali mandanga
¿Imashinata Jesusca tigramunga? Jesusca espíritu cuerpohuanmi causarirca (1 Pedro 3:18). Jesús ña cielopi cashpaca, gentecunata mandangapaj autoridadta Jehová Dios cungacamanmi shuyajurca (Salmo 110:1). Shinaca, Jesús tigramushpaca, na gentecunapa cuerpohuanshnaca tigramungachu, Rey cuendami tigramunga. (Daniel 7:13, 14, liipangui.)
Jesús tigramushpaca ¿imatata ruranga?
Jesusca gentecunata juzgangapami paipa angelcunandi tigramunga. Chaipimi nali gentecunataca tucuchinga. Cutin paita cazuj gentecunaca para siempremi causanga. (Salmo 37:9; Mateo 25:31-33, liipangui.)
Cai Alpatapash shuj juyailla paraisotami ruranga. Chai paraíso Alpagupi cushilla causachunmi, huañushcacunatapash causachinga. (Isaías 65:21-25; Juan 11 :25, liipangui.)