¿Imatata Bibliapica nin?
¿Taita Diosca tucui oraciongunatachu uyan?
¿IMATATA NIPANGUIMAN?
Tucui oraciongunatami uyan
Huaquin oraciongunatallami uyan
Ni maijan oracionda na uyanllu ¿nipanguimanllu?
BIBLIAPICA NINMI
“Mandaj Diosca, tucui yuyaihuan paita mañajcunata ayudangapaca ladopimi” (Salmo 145:18).
¿IMATATA BIBLIAPICA ASHTAHUAN NIN?
Na cazungapaj munajcunapa oraciongunataca na uyanllu (Isaías 1:15). Shinapash paicuna cambiashpa alita rurashpaca Taita Diospa ñaupajpica alimi ricuringa (Isaías 1:18).
Ñucanchi oraciongunata Taita Dios uyachun munashpaca Bibliapi yachachishca shinami mañana canchi (1 Juan 5:14).
¿Imashinata mañana canchi?
HUAQUIN GENTECUNACA NINMI Taita Diosta mañangapaca cungurishpa, uraicumurishpa o maquita vichai churashpami mañana canchi nishpa. Shinapash ¿imatata quiquinga nipanguiman?
BIBLIAPICA NINMI
Shayarishpa, tiarishpa, cungurishpa gentecuna mañajpipash Taita Diosca uyanllami (2 Crónicas 30:27; Esdras 10:1; Hechos 9:40). Shayarishpalla, cungurishpalla mañachunga na obliganllu.
¿IMATATA BIBLIAPICA ASHTAHUAN NIN?
Taita Diosca na jariyashpa mañajcunatami uyan (Salmo 138:6).
Maijan idiomapipash, shungu ucupillapash mañanallami can (2 Crónicas 6:32, 33; 1 Samuel 1:13).