Diospa Reino mandajujpimi tucui gentecuna ‘casilla ali causaihuan ninanda cushijunajunga’ (Salmo 37:11).
¿Imatata Bibliapica Nin?
¿Imamandapash preocuparijujpica Biblia ayudaita ushanllu?
¿Imatata nipanguiman?
Ari
Na
Na yachapanichu
Bibliapica ninmi
“Diosmi cangunataca cuidajun. Shina cajpimi ima llaqui japijpipash, paiman mingashpa saquina canguichi” (1 Pedro 5:7). Bibliapica ninmi, Taita Diosmi ñucanchi llaquicunahuan cajpi ayudaita ushan nishpa.
¿Imatata Bibliapica ashtahuan nin?
Taita Diosta mañajpica paillata “casilla ali causaita” cushpami ima llaquicunapi cajpipash ayudan (Filipenses 4:6, 7).
Ashtahuanbash Bibliata liinami imamandapash ama yapata preocuparichun ayudanga (Mateo 11:28-30).
¿Ima horapash na preocuparishpa causashunlla?
Huaquin gentecunaca crinmi Imamandapash yapata musparijuna, yapata pinarijunaca causaipica normalmi can nishpa. Cutin shuj gentecunaca ninmi, caishuj causaipillami imamandapash na preocuparishpa causashun nishpa. ¿Imatata nipanguiman?
Bibliapica ninmi
Taita Diosmi tucui llaquicunata tucuchinga. “Huañuipash, huacaipash, llaquipash, nanaipash, na ashtahuan tiangachu” (Revelación [Apocalipsis] 21:4).
¿Imatata Bibliapica ashtahuan nin?
Diospa Reino cai Alpapi mandajujpimi casilla, tranquilo causashun (Isaías 32:18).
Imamanda preocuparijuna, yapata pinarijunapash ñana tiangachu (Isaías 65:17).