Huañushcacunaca ¿imahorapash causaringacha?

Huañuimandaca pipash na salvarita ushanchichu. Shinapash ¿huañushpaca chaipichu tucui tucurin? Huañushcacunaca ¿para siempre cungashcachu canga? ¿Imahorapash causaringacha?

BIBLIAPICA NINMI

TAITA DIOSCA HUAÑUSHCACUNATA NA CUNGASHCACHU

‘Huañushpa pambai tucushcacunaca [...] causaringami’ (Juan 5:28, 29).

Taita Diosca picunalla huañushcataca yachanmi. Chaimi Taita Diospa yuyaipi cajcunalla causaringa.

HUAÑUSHCACUNACA CAI ALPAPIMI CAUSARINGA

‘[Alita] rurajcuna, [nalita] rurajcuna huañushcatapash Taita Diosca causachinga’ (Hechos 24:15).

Ashtaca ashtaca huañushca gentecunami causaringa. Shinallata para siempre tranquilo ali causaitami chari ushanga.

HUAÑUSHCACUNA CAUSARINATAMI CRI USHAPANCHI

Taita Diosca “luzerocuna mashna tiajtapash, cuentashcallami charin. Tucui chaicunataca, shutipimi cayan” (Salmo 147:4).

Taita Diosca tucui estrellacunata shutipi cayaita ushashpaca, ¿nachu pai causachingapaj munaj huañushca gentecunataca causachi ushanga?