Aliguta parlashunchi
1 Ña ali parlai callarijujpica ¿pipash nishcachu: “Na yachangapaj munanichu”, o “Ñami shuj religionda catijuni” nishpa? Shina cajpipash Bibliamanda ñucanchihuan ashaguta parlachunga ¿imatata nina canchi?
2 ¿Uyachunga imata ninata ali canman? Gentecuna uyachunga ashalla shimicunahuan parlashpami, paipa problemacunamandaca Bibliapi shuj textota ricuchina canchi. Gentecunahuan ali parlangapajca, paicunata pensachij tapuita shinashpami, chai tapuitaca Bibliapi shuj textohuan contestana canchi. Shinaca, ashalla shimicunata nishpa gentecunahuan ali parlangapaj imata nina cashcata ricupashunchi.
3 Na yachangapaj munanichu nij gentecunataca tapui ushanchimi:
◼ “Cunanmanda 10 huatacunahuanga ¿imashinashi quiquinbash quiquinba huahuacunapash causanguichi? [Contestachun saquingui.] Bibliapica cai ali shimicunata nishpami cushichin.” Jipaca Apocalipsis 21:4, 5-ta liingui.
◼ “Ñucanchi llactapica ungushca cashpa na jambiri tucushpami, llaquilla causanchi. Shinapash yachapashcanguichu, Diosca tuicui unguicunatami tucuchisha nin.” Apocalipsis 21:3, 4-ta liingui.
◼ “Ñucanchi comunidadpi tucuicuna Bibliapi mandashcacunata cazushpaca ¿imashinashi causanchiman?” Jipaca Mateo 22:37-39 textota liingui.
4 Diospa Reinomanda villana ashtahuan ministirishca cajpimi Diospa Reino imata shinanamanda parlangapaj esforzarina canchi. Shinaca cashna ninami ali canman:
◼ “Bibliapica shujlla gobiernomi tucui muyundi Alpata mandanga nin. ¿Quiquinga chaita uyapashcanguichu?” Jipaca Daniel 2:44-ta liingui.
◼ “Tucui Alpata Jesús mandajujpica ¿imashinashi causanchiman?” Jipaca Salmo 72:7, 8-ta liingui.
5 Ñami shuj religionda catijuni nijpica cashna ninami ali canman:
◼ “Ashtaca gentecunataca shujta llactamanda cajpi, shujta religionda charijpi o huarmi cajpimi nali tratan. ¿Chaita ricushpaca imatashi Diosca nin?” Jipaca Hechos 10:34, 35-ta liingui.
◼ “Ashtaca milagrocunata Jesús shinashcataca tucuicunami yachapanchi. ¿Cunanbica ima milagrota shinachunda Jesustaca mañapanguiman?” Jipaca Salmo 72:12-14, 16 textota liingui.
6 Na uyangapaj munanajujpica cashna ninallami canchi:
◼ “Tucuicunami problemacunamandalla uyashcanchi. Shinapash, tucuicunallatami chai problemacuna tucurichun munanchi. Chai problemacunata tucuchingapajca ¿maipishi shuj ali ayudata charinchi?” Contestachun saquishpa jipaca 2 Timoteo 3:16, 17-ta liingui.
7 Esforzarishunchi. Shuj jahualla, ali tapuita shinashpaca gentecunahuan ali parlaita ushashunmi. Villangapaj rijpica, shuj señoraca nimamanda na uyangapaj munanllu carca. Shinapash ishcai panicuna visitashpami tapurca: “Padrenuestro oracionbica ¿maijan Reinomandata mañajunchi?” nishpa. Chai tapuimanda yachajungapaj munashpami señoraca ishcandi panicunata ucuman yaicuchirca, Bibliamandapashmi yachajui callarirca. Cunanbica chai señoraca ñucanchi panigumi can.
8 Gentecunahuan parlajushpaca shungumanda, imatapash na llullashpami parlana canchi. Paicunapi preocuparijushcata sintishpaca ñucanchita uyangapaj munangachari (Hech. 2:46, 47).
9 Cunan punllacunapica ali villaicunata villanaca shinllimi can. Huaquingunaca ista gentecunataca pinganayachinmi. Cutin huaquingunaca ocupadocuna cashpami ashalla tiempotapash na charin. Shinapash, ali shunguta charij gentecunaca tianrami (Mat. 10:11). Jahualla, ali tapuicunata shinashpaca gentecunahuan ali parlaita usharingami.