Negocio pushtucunapica ¿imashinata villachishun?
1. ¿Imamandata negociocunapi villachinaca ali can?
1 Huaquin territoriocunapica ashtaca negociocunami tian. Chai pushtucunapica ashtaca gentecunahuanmi tuparinchi. Huaquingunaca visitachunbash munanajunmi. Quiquinba territoriopipash negociocuna tiajpica ¿imatata nina capangui? Negociocunapi villachishpaca ali experienciacunami tiashca.
2. Negociocunapica ¿imashinata parlana capanchi?
2 Ashagutalla parlapangui. Negociocunapi gentecunahuan parlangapaca ima horas na ashtaca gentecuna tiajta ricushpami villachina canchi. Almacengunapica gerentehuan, dueñohuan o pi atindijujhuanmi ashagutalla parlana canchi.
3, 4. Almacén gerenteta, dueñotaca ¿imatata ninalla capanchi?
3 Ashalla shimicunahuan parlashpa cashna nipangui: “Ashtaca gentecunaca Bibliata yachajungapaj munashpapash na tiempota charinllu. Cai tratado hojagupica 6 tapuicunamandami yachachijun”. Chai jipaca, ¿Cai tapuicunata yachangapaj munanguimanllu? nishca tratadopa página 2, 3ta ricuchipangui. Shinallata chai tapuicunata imashina ashtahuan yachajunatapash parlapangui.
4 Almacenbi ocupado cajpica shuj tratadota saquishpami cashna ninalla capangui: “Shuj punllagu shamupasha, quiquin lugarlla cajpica cai tratadomanda ashtahuan parlangapaj” nishpa.
5. ¿Imashinata negocio pushtucunapipash yachachishun?
5 Yachachishpa catipangui. Negocio pushtucunapipash Bibliamandaca yachachinallami can. Shuj precursor especial huauquica shuj negociopimi revistacunata saquin carian. Revistacunata liishpa yachajungapaj munajujta sintishpami chai huauquica negocio pushtupillata Bibliata imashina yachajunalla cashcata shuj folletohuan ricuchirca. Mashna tiempota charijta ricushpami 10 ó 15 minutocunapilla Bibliataca yachachin carca. Shinaca chai huauquipa ejemplota catishpa ñucanchicunapash negocio pushtucunapi ali shungu gentecunata mascapashunchi.