¿Pipashi ali canman?

1. Revistacunata liijushpaca ¿imapita pensarijuna capanchi? ¿Imamandata chashna pensarina capanchi?

¹ Villajun revistapash ¡Despertad! revistapash mundo entero gentecunapi pensarishpa escribishcami can. Chaimandami shuj shuj temacunata charin. Revistacunata liijushpaca, cai temaca pipashi ali canman nishpa, imashina saquinatapash pensarijunami capanchi.

2. Gentecunamanga ¿ima temacunatata ricuchi ushapanchi?

² Trabajopi cumbahuan Bibliamanda parlashca temata, Villajun revistapi liishpaca chai revistata paiman apapashunchi. Familiamanda parlajuj temata tarishpaca ñucanchipa maijanbash familiaman ricuchipashunchi. Pipash shuj llactaman viaje rigrijujta yachashpaca, chai llactamanda parlajuj ¡Despertad! revistata cupashunchi. Almacengunapica culquimanda parlaj temata saquipashunchi. Rucugucunata cuidaj huasicunapica rucugucunapa llaquicunamanda parlaj temata saquipashunchi. Cutin, shuhuacunamanda, huañuchijcunamanda parlajuj temacunata tarishpaca comisariapi, juzgadocunapi ricuchishpami ali capanman.

3. Cai temaca alimi canga yashpa pensashcamandaca ¿ima ali experienciata tiapashca?

³ Experienciacuna. “Cómo criar hijos responsables” temata ¡Despertad! de octubre de 2011pi liishca jipami, Sudáfrica llactamanda shuj cusahuarmiguca paicunapa congregacionba territoriopi 25 escuelacunaman telefonopi cayarca. Shinami 22 escuelacunapi estudiantecunamanga ashtaca revistacunata saquirca. Chai llactamandallata shuj cusahuarmigupash chaitallatami rurarca. Chaimandami shuj escuelapi huaquin profesorcunaca chai revistahuan estudiantecunataca yachachirca, liichircapash. Chai cusahuarmiguca ali experienciatami charishcanchi nishpami superintendente de circuitoman parlarca. Chaimandami superintendente huauquipash shinallata rurapashunchi nishpa shuj congregaciongunatapash animarca. Sucursalmanbash ashtaca pedidocuna chayajpimi sucursalca ¡Despertad! de octubre de 2011 revistacunata ashtahuan imprimirca.

4. ¿Imamandata revistacunataca tucuicunaman saquingapaj munapanchi?

⁴ Ñucanchi revistacunaca mundo enteropi ima pasajujtami intindichin. Shinallata gentecuna Bibliata liingapaj munachunmi ayudan. Diospa Reinomandapash villachijunmi. Ashtahuangarin cai revistacunallami gentecuna imashina quishpirinata parlan (Is. 52:⁠7). Tucuicuna cai revistacunata liichun munaimandami tucuicunallata tapurina capanchi: Cai temaca ¿pipashi ali canman? nishpa.