Alicachishpa uyachunga ¿imashinata parlai callarishun?
1. ¿Imamandata aliguta prepararishpa parlai callarina capanchi?
1 Huaquingunaca micunata alicachishpa micuchunmi primeroca ashagutara malichin. Gentecunapash Taita Diospa Shimita alicachishpa uyachunga aliguta prepararishpami parlai callarina canchi (Prov. 15:28). Imashina parlai callarina cashpapash gentecuna alicachishpa uyachunga ¿imashinata aliguta prepararina canchi?
2. Gentecuna alicachishca temacunata parlai callaringapaca ¿imashinata prepararina capanchi?
2 Gentecunaca ¿ima temacunatata alicachishpa uyangapaj munan? Na gushtashca temacunata parlajpica gentecunaca na uyangapaj munangachu. Shinaca ñucanchi llactapi gentecunaca ¿ima temacunamandata parlangapaj munan? Huaquingunaca ali gobiernocuna tiachun, familiacuna ali causachun, guerracuna tucurichunmi munan. Chaimandami gentecuna gushtashca temamanda parlashpa tapuicunata ruranalla canchi. Gentecunahuan aliguta parlai callaringapaca Diosmanda Villashunchi hojapi presentaciongunataca imashina minishtirishcata ricushpami utilizana canchi. Familiahuan Adorana Tutapi huaquin presentaciongunatapash repasanallami canchi.
3. ¿Imamandata gentecunapa costumbrecunata, crishcacunata ricushpa parlai callarina capanchi?
3 ¿Ima costumbrecunatata gentecunaca charin? ¿Imatata crin? Ashtaca llactapi gentecunaca ñapash parlachunmi munan. Cutin shuj gentecunaca saludashca jipara Diospa Shimimanda parlai callarichunmi munan. Bibliata gushtaj gentecunahuan parlashpaca callarimandallata Bibliamanda parlanallami canchi (Hech. 2:14-17). Cutin, Jesusta na catij religionguna cajpi o na imapash religionda catij gentecunahuan parlashpaca, cutinba tigrashparapash Bibliamanda parlashpaca alimi can (Hech. 17:22-31).
4. Gentecunahuanga ¿imashinata parlai callarina capanchi?
4 ¿Ima shimicunahuanda parlai callarina canchi? Gentecunahuan parlai callaringapaca ashalla shimicunahuan, intindirinalla shimicunahuanmi parlana canchi. Gentecunaca ñucanchicuna imashina parlajujtaca ricunajunmi. Chaimandami paicunahuanga cushilla parlana canchi. Shinami paicunaca confianzata japishpa ñucanchi parlajushcataca alicachishpa uyanga. Caipi sugerenciacunata catishpaca, Jehová Dios carashca micunata alicachishpa micuchunmi gentecunataca ayudashun (1 Cor. 10:21).