Agosto quillaca alipacha quillami canga
Mundo enteropimi shuj mushuj tratadota saquinajushun
1. Agosto quillapica ¿ima jatun campañata tianga?
1 Diospa Reino mandai callarishcamandaca ñami 100 huatacuna pactamujun. Chaimandami agosto quillapica Jehová Diosta ashtahuan alicachingapaj shuj jatun campaña tianga. Chai campañapica mundo enteropimi ‘Ñucanchi causaipi tapuicunamandaca ¿pitata tapui ushapanchi? nishca tratadota saquinajushun. Chai tratadomi gentecunataca imata yachangapaj munashpapash Internetpi jw.org direccionbi informacionda mascashpa Bibliata yachajuchun animanga.
2. Agosto quillapi Jehová Diosta ashtahuan alicachingapaca ¿imatata rurai ushapanchi?
2 Ninanda cushijushpa Jehová Diosta alicachishunchi. Tucuilla bautizarishca publicadorcuna Jehová Diosta ashtahuan alicachichunmi agosto quillapica shuj ali arreglo tianga. Munashpaca 30 horascunata villachingapaj precursorado auxiliarta japinallami can. Ashtahuangarin agosto quillapica 5 viernes, 5 sábado, 5 domingo punllacunami tianga. Chaimandami punlla entero trabajajcunapash, o escuelapi huahuacunapash precursorado auxiliarta japi ushanga. Quiquingunahuan yachajujcuna o quiquinba huahuacuna publicador tucungapaj requisitocunata pactachinajujpica uchallami coordinador del cuerpo de anciano huauquihuan parlana canguichi. Agosto quillapi villachi callarishcataca cushijushpami paicunapash yaringa. Precursor regularcunapash paicunapa horascunata ña pactachishpami agosto quillataca samanajunata yachan. Shinapash, agosto quillapi ashtahuan apoyangapaj ali arreglocunata rurashpaca alipachami canman. Familiacunapash agosto quillapi Jehová Diosta ashtahuan alicachingapaj ñamanda parlarishpaca alimi canman (Esd. 3:11; Prov. 15:22).
3. Agosto quillapica ¿imata pactachishpata alipacha canchiman?
3 Punda huatacunapi campañacuna ña tiashca cajpipash, cai agosto quillapi campaña ashtahuan alipacha cachunmi munanchi. Chai quillapi ashtahuan publicadorcuna mirashpa, ashtahuan precursor auxiliarcuna tiashpa, ashtahuan horascunata villachishpaca alipachami canchiman. Agosto quillapi ashtahuan villachingapaj esforzarishcamanda Jehová Dios bendiciachunmi mañanajupanchi (Mat. 24:14).