Ashagutalla liijcunataca ¿imashinata ayudashun?

1. ¿Imamandata ashagutalla liij gentecunaman Bibliata yachachinaca shinlli can?

¹ Huaquin gentecunaca Taita Diosmanda yachajungapaj munashpapash ashagutalla lii ushashcamandami Bibliata o shuj librocunata ricuchijpica pingai tucun. Chaimandami Enseña librotaca jipamanra saquina ali canman. Shinaca ashagutalla liinata yachaj gentecunataca ¿imashinata ayudashun? Paicunata ayudangapaca 20 yali llactacunapi ashtaca experienciata charij huauquicuna imata nishcata ricupashun.

2. Ashagutalla lii ushaj gentecunataca ¿maijan publicaciongunahuanda ayudai ushanchi?

² Bibliata yachajujcuna liinata na yachajpi o ashagutalla lii ushajpica Diosta uyashunchi o Na huañushpa causangapaca Diosta uyashunchi folletocunahuanmi yachachinalla canchi. Estados Unidosmanda precursorca ninmi, gentecunaman chai ishcandi folletocunata ricuchishpami nini ¿maijandata yachajungapaj munapangui? nishpa. Kenia llactamanda sucursalpash ninmi, cai ishcai folletocunaca alipachami cashca. Africamanda gentecunaca Bibliapi ima tucushcata parlajta uyashpami yachajui ushan. Cada parrafopi tapuicunahuan publicaciongunataca na yachajuita ushanllu nishpa. Estudiashca gentecunaca cada parrafopi tapuicunata rurajpi contestashpaca jahuallami yachajun. Shinapash na ashtaca estudiashca gentecunaca tapuicunata rurajpi contestashpa yachajuitaca na ushanllu. Gentecuna ashagutalla lii ushajpimi ashtaca publicadorcunaca Taita Diosmanda ali villaigucuna, Podemos ser amigos de Dios folletocunahuan, o Mi libro de historias bíblicas librohuan yachachin.

3. Liita na ushaj gentecunaca ¿imashinata sintirin, imashinata can?

³ Animashunchi. Liita na ushaimandami huaquingunaca pingai tucushpa nali sintirin. Chaimandami Bibliata yachachi callaringapaca paicuna ali sintirichun pundapica ayudana canchi. Ashtaca gentecunaca liita na ushashpapash ali umatami charin, ñapashmi yachajun. Chaimandami paicunataca respetohuan tratana canchi (1 Ped. 3:​15). Na cungashpa paicunata cutin cutin animajpica ali sintirishpami ashtahuan yachajushpa ñaupaman catinga.

4. Ashagutalla lii ushajcunapash prepararichunga ¿imashinata ayudai ushapanchi?

⁴ Ashagutalla lii ushajpipash Bibliata yachajujcunataca prepararichun animanami canchi. Sudáfrica llactamanda huaquin publicadorcunaca ninmi, yachajujcunataca ninchimi huasipi maijanbash ali liita ushajtami ayudahuai nishpa prepararina canguichi nishpa. Gran Bretaña llactamanda huauquica ninmi, prepararinata yachajuchunmi huaquin parrafocunapica ñucapa librota mañachini. Shinami paicunaca cuenta japin prepararishpaca respuestacunata ñapash tarinalla cashcata. India llactamanda shuj huauquipash ninmi, yachajujcunataca ninimi, shamuj semanapaca cati leccionba dibujocunata ricushpa prepararipanguichi nishpa.

5. Yachachijushpaca ¿imashinata tiempomanda na pinarijushcata ricuchishun?

⁵ Na pinarijunachu canchi. Maijan publicacionda yachachijushpapash minishtirishca yuyaicunataca alimi intindichina canchi. Callaripica 10 ó 15 minutocunatalla yachachinallami canchi. Na pinarijunachu canchi, na ashtaca parrafocunata yachachijunichu nishpa. Cada visitashcapi huaquin parrafocunatalla yachachishpapash alimi can. Alimanda liijujpipash na tiempomandaca pinarijunachu canchi. Jehová Diosta juyaimandaca ashtahuan ali liingapaj munangami. Chaimandami Jehová Diosta ashtahuan juyachunga callarimandallata tandanajuiman shamuchun animana canchi.

6. Liinata yachajuchunga ¿imashinata ayudana capanchi?

⁶ Bibliata yachajujcunaca ashtahuan ali liinata yachajushpami ashtahuan ñapash progresan (Sal. 1:​1-3). Chaimandami Bibliata yachachishca jipaca Aplícate a la lectura y a la escritura nishca folletohuan ashtaca publicadorcunaca asha minutocunapi liinata yachachin. Ayudajujpipash desanimarijpica imata ruranata pai yachajushcata yarichishunchi. Shinallata esforzarijushcamanda Jehová Dios paita bendicianatapash yarichishunchi. Ashtahuangarin, Jehovata mañachunmi animana canchi (Prov. 16:⁠3; 1 Juan 5:​14, 15). Gran Bretañamanda publicadorcunaca primero abecedariota, Bibliapi textocunata mascanata yachajuchunmi animan. Chai jipami lenguaje sencillopi publicaciongunata liichun animan. Huaquinbica liina munaitallapash na charinllu. Chaimandami liina munaita charichunbash ayudana canchi.

7. ¿Imamanda liita na ushaj gentecunamanbash yachachishpa catina canchi?

⁷ Jehová Diosca shungu ucutami ricun (1 Crón. 28:⁠9). Paica na estudiashca gentecunataca na ladoman saquinllu (Job 34:19). Shinaca ashagutalla liij gentecunaman yachachishpa catishunchi. Paicunaman yachachi callaringapaca ashtaca ayudacunatami charinchi. Chai ayudacunahuan yachachi callarishpapash jipamanga Enseña librohuanmi yachachishpa catinalla canchi. Shinami yachajujcunaca shinlli yuyaicunatapash intindi ushanga.