Ashtahuan aliguta villachishunchi: informalmente villachingapaj parlachi callarishun

¿Imamandata minishtirishca can? Jehová Diosca tucuilla gentecuna ali villaicunata uyachunmi munan (1 Tim. 2:3, 4). Shinapash huasin huasin villachijushpaca huaquin gentecunataca na huasipi tupanchichu. Chaimandami buspi rijushpa, doctorta shuyajushpa, randingapaj shuyajushpa, chaupi punlla trabajopi samajushpa, escuela recreocunapi o maicunapipash villachingapaj esforzarina canchi. Shinapash chai gentecunaman villachingapaca ñucanchicunami pundapica parlachina canchi.

¿Imashinata parlachi callarishun?

Aliguta ricungui. Gentecunaca ¿imatata ruranajun? ¿Gentecunaca cushilla parlanashnallachu ricunajun? Huaquin publicadorcunaca paicunami pundapica cushilla ricun. Gentecunapash cushilla tigrashpa ricujpimi parlai callarinlla.
Parlai callarinata manllanayajpica rato shuj oracionda shungu ucupilla rurangui (Neh. 2:4; Hech. 4:29).
Chai jipaca imagutapash ninalla o saludanallami cangui. Jesuspash ashata parlashca jipami samaritana huarmigumanga Diospa Reinomanda parlarca (Juan 4:7). Huaquinbica “Quiquinba huahuacunaca aligutami viñanajushca” nishpami parlachi callarinalla canchi. Na cashpaca “¿caina tuta noticiacunata ricuparcanguichu?” ninallami canchi.
Parlai callarijpica ali villaicunata villachingapami munanchi. Shinapash huaquinbica na usharinllu. Parlangapaj munajpica parlashpa catinallami canchi. Shina parlajujpillatami paica tal vez imatapash tapuchinga o yachangapaj munanga. Familiamanda parlajushpaca ninallami canchi: “Huahuacunata imashina aliguta viñachinatami liircani” o noticiacunamanda parlajushpaca ninallami canchi: “Cunan punllacunapi nali noticiacunalla tiajpipash ali noticiata liishpami cushijurcani” nishpa. Aliguta parlajushpapash na villachi pactashpaca ama preocuparipanguichu.
Yachangapaj munajcunaman saquingapaca tratadocunata o imapash publicaciongunata apashpa puripangui.

Cai quillaca caita rurapashunchi:

Cada semana shuj gentemanllapash informalmente villachingapaj esforzaripashunchi.