Diospa Reinomandaca 100 huatacunatami villachinajushcanchi
1. Jehová Diosta sirvijcunataca ¿imata rurachunda 100 huatacuna huashamanga animarca?
1 Huauqui Rutherfordca nircami: “¡Ricuichi Reyca ñami mandajun! Cangunami paimanda villajcuna canguichi. Shinaca Reinomanda, Reymandapash villaichi, villaichi, villaichi” nishpa. Shinami casi 100 huatacuna huashamanga mundo enteropi villachichun Jehová Diosta catijcunataca animarca. Chai shimicunaca pactarishcami, punda tiempopi Jesusta catijcuna shinami ñucanchicunapash “Cai pachapi tucui miraicunaman” villachinajushcanchi (Col. 1:23). Diospa Reinomanda villashpa 100 huatacuna pactarijujpica ¿imatata rurapashcanchi? ¿Jesús mandai callarishcamandaca ñami 100 huatacuna pactajun, ¿imashinata villachishpa catina canchi?
2. Ñucanchi puplicaciongunaca ¿imashinata Diospa Reinomanda villajushca?
2 Punda huatacuna ima tucushcata ricupashun. Ñucanchi Publicaciongunaca tauca huatacunatami Diospa Reinomanda villajushca. 1939mandami, Jehová Diospa Reinomandami Villajun shutihuan ñucanchi revistaca llujshishca (español shimipi). Cai revistaca Diospa Reinomanda, chai reino imatalla ruranatapashmi villan. ¡Despertad! revistapash shinallata Diospa Reinollami gentecunamanga ali causaita cunga nishpami yachachin. Cai ishcai revistacuna mundo enteropi tucuimanda yali gentecunaman saquishcata yachashpa, ashtaca shimicunaman traducishcata yachashpaca ninandami cushijunchi. (Rev. 14:6.)
3. Diospa Reinomanda villachingapaca ¿imacunatallata rurashcanchi?
3 Diospa Reinomanda villachingapaca Jehová Diosta sirvijcunaca imacunatallata rurashca. Pundacunaca, carrocunapi parlantecunata churashpa, Diospa shimita radiocunapi yalichishpa, apashpa rinalla gramófono nishcacunahuanmi villachin carca. Shina ruranaca chai tiempopi Diospa Reinomanda villachijcuna ashalla tiajpipash, ashtaca gentecunaman chayangapami sirvirca (Sal. 19:4). Cai último huatacunapica Internetpi jw.org paginapimi Bibliamanda yachajuchun ashtaca informacionda llujchishcanchi. Shinami Diospa Reinomanda villaicunaca ashtaca gentecunaman chayashca. Huaquin llactacunapi gobiernocunaca na villachichun saquinllu. Shina cajpipash jw.org Internet paginapimi chai llactacunapipash gentecunaca yachajui ushashca.
4. ¿Ima programacunata ashtahuan villachingapaca tian?
4 Jehová Diosta sirvijcuna Diospa Reinomanda ashtahuan ali villachingapami 1990 huatamandaca mushuj programacunata rurashca. Chaimandami huasin huasin villachishca jahuapash, parquecunapi, paradacunapi, negociocunapipash villachinchi. Shinallata jatun llactacunapi villachingapaj programa especialtapash mundo enteropi villachingapami chairalla llujshirca. Ashtahuanbash ashtaca congregaciongunami tucui ladocunapi villachingapaj shuj programata rurashpa villachinajun. Chaipaca ashtaca gentecuna yalijuj pushtupi shuj mezaguta o publicaciongunahuan apashpa rinalla cajongucunata churashpami villachinajun. Shinapash ashtahuanbachaca huasin huasinmi Diospa Reinomanda villachinchi (Hech. 20:20).
5. Cai huatapi año de servicio callarijpica ¿imatata rurai ushapangui?
5 Shamuj punllacuna ima tucunata ricupashun. Septiembre quillapica año de serviciomi callaringa, taucacunaca 70 horascunata cada quilla villachingapami precursor regularcuna tucunga. ¿quiquinbash precursor regular tucupanguicha? Na cashpaca, ¿huaquinbillapash 30 ó 50 horascunata villachingapaj precursor auxiliar tucunapi pensaripashcanguichu? Precursor tucuita na ushashpapash Diospa Reinomanda villachingapaj esforzarijpica Jehová Diosca bendeciangami (Mal. 3:10).
6. Cai huata 2014 octubre quillaca ¿imamandata shuj huatacunamanda yali importante can?
6 Cai huata 2014 octubre quillapica Jesús mandai callarishcamandaca ñami 100 huatacuna pactajun. Chaimandami Villajun revistaca ashtahuanbachaca Diospa Reinomanda yachachinga. Shinaca cai revistata tucuicunaman saquinata yashpa villachishunchi. Tucui gentecunaman Diospa Reinomanda villachishpa ñaupaman catipashunchi (Hech. 8:12).