Villachijushpa jw.org paginata utilizapashunchi

Testigo de Jehovacunapa Internetpi paginaca ali villaicunata “cai pacha tucuri manñacaman” villachingapami ninanda ayudashca (Hech. 1:8). Shinapash, ashtaca gentecunaca Internetpi cai página tiashcataca na yachanllu, huaquinbi shuj testigo de Jehová villachijpi o ricuchijpillami yachaj chayan.

Shuj superintendente de circuito huaquica ¿Imamandata Bibliata yachajuna capanchi? nishca videotami paipa telefonopi descargashca charin. Shinami cada usharishca horaspi ricuchin. Huasin huasin villachijushpa imashina cai videohuan villachijta ricupashun. Paica cashnami nin: “gentecunata ashaguta visitashpami 3 minishtirishca tapuicunamanda yachachijuni, ¿Imamandata llaquicuna tian? ¿Llaquicunata Dios imashinata tucuchinga? ¿Chaicamanga ñucanchica imatata rurajuna capanchi? Cai videopimi chai tapuicunamanda yachachijun” nishpami videota churashpa ricuchin. Chai jipaca ima nijta yachangapami shuyan. Cai videota ninanda gushtashpami gentecunaca tucuringacaman ricun. Videota ricuchishca jipaca huauquica ninmi: “Ñami uyapashcangui, Internetpi jw.org paginapi Bibliamanda ashtahuan yachajungapaj escribinalla cashcata. Shinapash, ñuca caipi cashcamandaca Bibliata imashina yachajunata ricuchipasha nishpa. Shinami ali villaigucuna nishca folletohuan imashina Bibliamanda yachajui callarinata ricuchin. Cutin na tiempota charijpica, shuj punlla tigramupasha ninmi. Shinallata samangapaj tiarishpaca, ladopi tiajujhuanmi cushilla parlai callarin. ¿Ñucanchicunaca jw.org paginata utilizashpa villachinajupanchichu?