Jesús Huañushcata Yarina temporadapica ¿Jehovapa, Jesuspa ejemplota catishpachu tucui shunguhuan villachigrinchi?
1. Jesús Huañushcata Yarina temporadapica ¿imatata testigo de Jehovacunaca ashtahuan ruranchi?
1 Jehová Diosca paipa munaitaca maimandami pactachimujushca. Chaimandami Diospa Reino mandajpi ashtaca bendicionguna pactarinata parlashpa Isaías 9:7pica nin: “Tucuita Mandaj Diosca, ninanda juyashpami chaitaca pactachinga” nishpa. Jesuspash Taita Diosta ninanda juyashpami paipa Taitataca tucui shunguhuan ali adorangapaj munarca (Juan 2:13-17; 4:34). Mundo enteropi tucuilla Testigocunapash Jesuspa, Jehová Diospa ejemplota catishpami Jesús Huañushcata Yarina temporadapica ashtahuan villachingapaj cada huata esforzarinajushcanchi. Quiquinbash chai temporadapi ashtahuan villachingapaj esforzarishpaca alimi canman.
2. ¿Imatata sábado 14 de marzomandaca rurashun? Cushijushpa villachinaca ¿imamandata ali canga?
2 Jesús Huañushcata Yarina tandanajuiman invitashun. Cai huataca sábado 7 de marzomanda callarishpami Jesús Huañushcata Yarina tandanajuiman shamuchun gentecunata invitashun. Chaimandami cunanmandallata chai punllacunapi cushijushpa villachingapaj arreglocunata rurana canchi. Congregaciongunaca paicunapa territoriopi tucuilla gentecunata invitangapami shinllita esforzarinajunga. Shinaca ñucanchihuan yachajujcunaman, trabajopi, escuelapi, colegiopi cumbacunaman, familiacunaman, tucuilla rijsicunamanbash invitación hojata cungapaj o jw.org direccionbi invitacionda ricuchingapaj prepararipashunchi.
3. Marzo, abril quillacunapi ashtahuan villachingapaca ¿imatata rurai ushapanchi?
3 Precursorado auxiliar. Ñucanchi shungu ucupi jatun munaita charishpaca ashtahuan villachingapami munashun. Ashtahuan villachingapaj munashpami marzo, abril quillacunapica taucacuna precursorado auxiliarta japishun. Chai quillacunapi 50 horascunata na pactachi ushagrijushpaca 30 horasta rurana precursoradotami japi ushanchi. Shinaca, Familiahuan Adorana Tutapi o estudio personalta rurajushpaca, Jehovata mañashpa yuyashunchi imashina precursorado auxiliarta pactachinata (Prov. 15:22). Ñucanchicuna ashtahuan villachingapaj munajujta ricushpami shujcunapash ashtahuan villachingapaj animaringa. Imatapash huashaman saquishpa ashtahuan villachingapaj esforzarishpaca Jesuspa ejemplota catishcatami ricuchinajunchi (Mar. 6:31-34).
4. Jehovapa Jesuspa ejemplota catinaca ¿imamandata ali canga?
4 Jesús Huañushcata Yarina temporadapi Jehová Diospa, Jesuspa ejemplota catishpa tucui shunguhuan ashtahuan villachinaca alipachami canga. ¿Imamandata ali canga? Pundapica ashtaca gentecunamanmi villachishun, shinallata Jehová Diosta sirvishpa, gentecunata ayudashpami cushijushun (Hech. 20:35). Ashtahuangarin, Jehová Diospa ñaupajpipash Jesuspa ñaupajpipash alimi ricurishun.