Villachijushpaca tiempota ali aprovechapashunchi
Testigo de Jehovacunaca año de servicio 2014pica 1.945 millón 487mil 604 horascunatami villachinajushcanchi. Shina rurashpami Jehovata sirvishpa catingapaj munajushcata ricuchinajunchi (Sal. 110:3; 1 Cor. 15:58). Cai tucuri punllacunaca ‘tucurijunmi’. Chaimandami villachingapaj llujshishpa, revisitacunata rurashpa, yachachishpapash tiempota ali aprovechashpaca ali canman (1 Cor. 7:29).
Tiempota imamanda aprovecha ali cashcata yachangapaca shuj ejemplota ricupashun. Villachingapaj llujshishpa shuj horas yalita casi siempre pihuanbash ñana parlajushpaca ¿imatata shuj gentecunahuan parlangapaca rurana capanchi? Pundapica yarinami capanchi, cada llactami shuj shuj can. Shinapash cai cati sugerenciacunami tiempota aliguta aprovechangapaj ayudanga (1 Cor. 9:26).
Huasin huasin villachina. Publicadorcunaca ashtaca huatacunatami tutamanda rishpa huasin huasin villachinajushca. Shinapash ashtaca gentecunaca punlla enteromi trabajanajun. Chaimandami chishillapi o tutayajujta huasiman tigrashpa ashata samanajun. Shinaca chishillapi o tutayajujpi huasin huasin villachinaca alimi canman. Cutin negociocunapi, callecunapica tutamandallapi villachinami ashtahuan ali canman.
Predicación pública. Publicaciongunata churana mesacunata o apashpa rinalla cajongunataca congregacionba territoriopi maipi ashtaca gentecuna yalijta ricushpami churana can (Diosmanda Villashunchi julio 2013 hojapi página 5ta ricupangui). Chai pushtuta ñana ashtaca gentecuna yalinajujpica, maipi ashtaca gentecuna yalinajujta ricushpami congregacionba Comité de Servicioca shuj ladoman cambiana can.
Revisitacunata rurana, Bibliamanda yachachina. Huaquin horascunapi huasin huasin villachina, negociocunapi, callecunapi villachina na ashta ali cajpica revisitacunata rurangapaj, Bibliamanda yachachingapaj aprovechapashunchi. Shuj ejemplota ricupashun. Sábado tutamanda huasin huasin rishpa villachijpi gentecuna ali uyajpica, chishicuna o tutayajujpimi revisitacunata rurana o Bibliamanda yachachinaca ali can. Taucacunaca carropi rishpami revisitacunata ruran. Shinapash tiempota ali aprovechangapaca tal vez huaquingunalla shuj carropi rishpa shujcunaca shuj carropi rishpami ali canman.
Villachinajushpa tiempota cuentai ushashpapash tauca gentecunata ayudashpami ashtahuan cushijushun. Shinaca, huasin huasin villachina, callecunapi, negociocunapi villachina huaquin horascunapi na ashta ali cana cajpica chai horascunapica revisitacunata rurangapaj, Bibliamanda yachachingapaj o shuj ladocunapi villachingapaj aprovechapashunchi. Villachinajushpa tiempota aliguta aprovechangapaca ‘granopa Dueño’ Jehová Diosta mañapashunchi (Mat. 9:38).