Diospa Shimica ashtaca podertami charin, ali utilizapashunchi

Villachijujpi gentecuna ali uyajpica, Bibliapi ricuchishpa huaquin textocunata liingapami aprovechanchi. Shinapash ¿imamandata Bibliapi ricuchishpa liinchi? Diospa Shimi poderta charijpimi Bibliapi ricuchishpa liinchi. Caina huata Shuj Punlla Jatun Tandanajuipica Bibliata aliguta utilizana minishtirishca cashcata intindichunmi, superintendente de circuito huauquica “Villachinajushpaca Diospa Shimita ali utilizapashunchi” nishca discursota curca. Shinaca huaquin ali yuyaicunata yaripashunchi.

• ¿Imamandata Jehová Dios parlashca shimicunaca ñucanchi shimicunata yali ashtahuan ali can? (2 Tim. 3:16, 17.)

• ¿Imamandata ninchi, Bibliapi yuyaicunaca ñucanchi umaman, shunguman chayashpami aliguta pensarichun, ñucanchi causaipi cambiachun ayudan nishpa? (La Atalaya 15 de junio de 2012 revistapi página 27 párrafo 7​ta ricupangui.)

• Gentecuna Bibliata respetachunga ¿imatata villachijushpaca rurana capanchi? (Benefíciese libropi página 148 párrafo 3, 4​ta ricupangui. Shinallata Diosmanda Villashunchi marzo de 2013 hojapi página 4 párrafo 8​ta ricupangui.)

• ¿Imamandata gentecunaman shuj textota liishpaca aliguta intindichina capanchi? ¿Imashinata intindichina capanchi? (Hech. 17:2, 3; Benefíciese libropi página 154 párrafo 4manda página 156 párrafo 5caman ricupangui.)