Yachachingapaj minishtirishca herramientacuna
1. Jesusta catijcunaca ¿imatata trabajadorcuna cuenda charinchi?
1 Trabajadorcunaca ashtaca herramientacunatami charin. Huaquin herramientacunataca huaquinbillami ocupan. Cutin shujcunataca cutin cutinmi ocupan. Tauca huatacunata trabajadorcunacarin minishtirishca herramientacunataca shuj cajagupi churashpami apashpa purin. Bibliapipash ñucanchitaca animanmi, ‘na pingai tucushpa’ purij ali trabajador cuendami cana canguichi nishpa (2 Tim. 2:15). Shinapash ñucanchipaca ¿maijanda ashtahuan minishtirishca herramienta can? Ñucanchicunapaca Bibliami ashtahuan minishtirishca herramienta can. Bibliahuanmi gentecunataca Jesuspa catijcuna tucuchun yachachinchi (Mat. 28:19, 20). Chaimandami Bibliata ‘aliguta yachachingapaca’ shinllita empeñarina canchi. Shinapash, shuj minishtirishca herramientacunatapashmi charinchi. Chai herramientacunatapash aliguta utilizanatami yachajuna canchi (Prov. 22:29).
2. Yachachingapaca ¿ima herramientacunallata minishtirin?
2 Yachachingapaj minishtirishca herramientacuna. ¿Qué enseña realmente la Biblia? libropashmi minishtirishca herramienta can. Chai librotami gentecunaman Bibliata yachachingapaca ashtahuan ocupanchi. Chai librohuan yachachishca jipaca Bibliapi consejocunata pactachishpa causachunmi, “Manténganse en el amor de Dios” librohuan yachachina canchi. Chai herramientacuna minishtirishcapacha cajpimi cai ishcai librocunataca ali rijsishpa ali utilizana canchi. Folletocunapash minishtirishca herramientacunami can. Taita Diosmanda ali villaigucuna folletoca gentecunaman Bibliata yachachi callaringapami can. Diosta uyashunchi o Na huañushpa causangapaca Diosta uyashunchi folletocunaca liita na ushajcunaman, o na yapa publicacionguna tiashca shimicunapi o ashalla gentecuna parlaj shimipi Bibliata yachachingapami can. ¿Picunata Jehová Diospa munaita ruranajun? folletopash Bibliata yachajujcuna Jehovapa organizacionda rijsichunmi ayudan. ¿Imamandata Bibliata yachajuna capanchi?, Ñucanchi tandanajuicunaca ¿imashinata can?, ¿Tiene nombre Dios? videocunapash gentecuna Jesuspa catijcuna tucuchunmi ayudan. Chaimandami chai videocunatapash ali utilizanata yachajuna canchi.
3. Shamuj quillacunapica, ¿imatata Diosmanda Villashunchi hojapica yachajupashun?
3 Shamuj quillacunapimi herramientacunashna minishtirishca publicaciongunata ali utilizanata yachajushun. Chai publicaciongunata ali utilizangapaj empeñarishpaca, apóstol Pablopa cai shimicunatami cazunajushun: ‘Imashina causanatapash, imata yachachinatapash, aligutapacha canllata yaringui. Shina aliguta rurajushpallami canbash quishpiringui, canda uyajcunapash quishpiringa’ (1 Tim. 4:16).