Diospa mandashcacunataca shungupi alichiriangui

Taitacunaca llamagucunata michijcuna cuendami paicunapa huahuacunataca cuidan. Huaquin huahuacunaca paicunallata pandarishpami llaqui apan (Prov. 27:23). ¿Imashinata taitacunaca ali michijcuna cuenda caita ushan? Taitacunaca cada punllami huahuacunahuan parlangapaj tiempota llujchina canguichi. Shina rurashpallami huahuacuna imata yuyajta, imashina sintirijta yachai ushanguichi (Prov. 20:5). Shinallata, huahuacunapa fe shinlli cashpa, imapash llaquicunata charishpa aguantachunmi ayudana canguichi (1 Cor. 3:10-15). Diospa mandashcacunataca shungupi alichiriangui nishca videopica, Familiahuan Adorana Tutata cada semana charina minishtirishcapacha cashcatami intindichin. Gulpi familia cai videota ricushpa, cai cati tapuicunata contestapaichi.

1) ¿Imamandata Tomaspa familiaca espiritualmente nali carca? 2) ¿Imamandata huauqui Tomasca Familiahuan Adorana Tutata na rurai usharca? 3) Bibliapi nishca shinaca, huahuacunata ali viñachingapaca ¿imata ruranata minishtirin? (Deut. 6:6, 7.) 4) Familia ucupi ashtahuan aliguta parlaringapaca ¿imatata rurana can? 5) Huahuacuna ali cachunga ¿imatata taitacunaca ladoman saquina can? 6) Familia Vargasca ¿imashinata Tomaspa familiataca ayudarca? (Prov. 27:17.) 7) Familiahuan Adorana Tuta ali cachunga ¿imashinata taitaca prepararina can? 8) Familia ucupi ali cangapaca Tomasca ¿imatata rurai callarirca? 9) ¿Imamandata Familiahuan Adorana Tutataca cada semana charina can? (Efes. 6:4.) 10) Familiahuan Adorana Tutapica ¿imacunatallata rurai usharin? 11) Alita ruranamanda Tomás paipa rucu churihuan parlashpaca ¿imamandata shinllita parlashpapash na culirashpa parlanaca ali carca? (Jer. 17:9.) 12) Jorgehuan Anita puri callarijpica, Jorgeta saquichunga ¿imashinata Anitapa taitamamacunaca ayudarca? (Mar. 12:30; 2 Tim. 2:22.) 13) ¿Imamandata quiquinga nipangui, Tomaspash Susanapash minishtirishca cosascunahuanlla causai callarishpaca feta charishcatami ricuchirca nishpa? (Mat. 6:33.) 14) Cai videoca ¿imashinata cusacunataca familiata espiritualmente ricuriana minishtirishca cashcata intindichun ayudan? (1 Tim. 5:8.) 15) Cusacunaca ¿imata rurangapata decidirina can?

TAITACUNAPA: Huata 2011​pi quimsa punlla jatun tandanajuipi cai dramata ricushpaca, Familiahuan Adorana Tutapi ¿imatapash ashtahuan ali rurana cashcata cuenta japiparcanguichu? Cai videota ricushca jipaca ¿imapipash ashtahuan mejorana cashcata cuenta japipashcanguichu? Jehová Diospa ayudata mañashpa, quiquinba familia salvarichun ima cambiocunata rurana cajpipash rurapai (Efes. 5:15-17).