Profetacunapa ejemplota catishunchi: Habacuc
1. Profeta Habacuc imashina sintirishcataca ¿imashpata intindita ushapanchi?
1 Mundo enteropi nali cosascuna mirajushcata ricushpaca, ñucanchipash Habacuc shinami sintirita ushanchi. Paica Jehovataca nircami, imashpata nalicuna mirachun saquingui nishpa (Hab. 1:3; 2 Tim. 3:1, 13). Habacuc imata nishcapi, imashina ali sirvishcapi aliguta pensarinaca, Jehová Diospa Juicio Punlla chayamungacaman aguantashpa catichunmi ayudanga (2 Ped. 3:7).
2. ¿Imashinata ñucanchipash Habacuc shina feta charita ushapanchi?
2 Feta charishunchi. Nalicuna mirajushcata ricushpa llaquirijunapa randica, Habacuc runaguca espiritualmente ocupadomi causarca (Hab. 2:1). Jehová Diosca paitaca nircami, ñuca nishcacunaca ñuca agllashca punllapimi pactaringa, feta charijcunaca causashpa catingami nishpa (Hab. 2:2-4). Jesusta cunan punllacunapi catijcunaca ¿imashinata chai shimicunataca intindina canchi? Tucurimui punlla ima horaspacha chayamunata yachanapa randica, tucurimui punlla chayamunapacha cashcatami crina canchi. Feta charinami ñucanchicunataca espiritualmente ocupado cashpa, ashtahuan villachishpa catichun ayudanga (Heb. 10:38, 39).
3. ¿Imamandata Jehovataca cushilla sirvishpa catina capanchi?
3 Jehovata sirvishpa cushilla causashunchi. Jehovata sirvijcunata Magog shuti llactata mandaj Gog shuti llaquichijpimi, ñucanchi fe imashina cashcata ricuchi ushashun (Ezeq. 38:2, 10-12). Shuj guerra tiajpica gentecunapa causaica llaquimi can. Guerrata mishajcunapashmi llaqui apan. Gentecunapa charishca cosascuna tucurin, micunapash faltai callarin, causaipash ashtahuan shinlli tucun. Chai llaquicuna ñucanchita japijpica ¿imatashi ruranchiman? Habacuc runaguca llaquicuna shamunata yachashpami, Jehovata sirvishpa cushilla causanata agllarca (Hab. 3:16-19). Ñucanchitapash ‘Mandaj Diospa cushijuimi’ ima llaquicunata charijpipash aguantashpa catichun ayudanga (Neh. 8:10; Heb. 12:2, NM).
4. ¿Imatata cunanbipash, shamuj punllacunapipash rurai ushanchi?
4 Juicio punllapi salvarishca gentecunataca Jehovallatami yachachishpa catinga (Hab. 2:14). Causarishca gentecunapashmi Jehovamanda yachajuita ushanga. Shinaca, cunanmandallata Jehovamanda, pai imacunatalla rurashcamanda siempre villachishunchi (Sal. 34:1; 71:17).