Minishtirishca cosascunahuanlla causanami Jehovata alabachun ayudan

Cunan punllacunapica imacunatapash randishpa, pagashpa, chai randishcacunata ocupashpa, ama huaglichun cuidashpami ashtaca tiempota ñapash chingachishpa shaijushca sintirinchi. Jesusca villachina, yachachina tiempota ama chingachingapami minishtirishca cosascunahuanlla causarca (Mat. 8:20).

Pensaripai. Ashtahuan villachingapaca ¿minishtirishca cosascunahuanlla causaita ushanguimanllu? Familiapi huaquin cambiocunata rurajpica ¿quiquinba familiamanda pipash precursor caita ushanmanllu? Ña precursor cashpapash pensaripai ¿charishca cosascunamandachu asha asha ashtahuan ocupado tucushcani? nishpa. Minishtirishca cosascunahuanlla Jehovata sirvishpaca ashtahuan tranquilo, cushillami sintiringui (1 Tim. 6:7-9).

Minishtirishca cosascunahuanlla causangapaca ¿imatata rurai ushani?