Bibliahuan Yachachishunchi

Septiembre quillamandami, Tandanajuipi Yachajungapaj Hojapica “Bibliahuan Yachachishunchi” nishca presentación llujshinga. Shuj tapuita rurashpa, shuj textota liishpami Bibliamanda yachachichunmi ayudanga.

Gentecuna yachangapaj munajpica, cutin visitangapami shuj publicacionda, na cashpaca jw.org direccionbi shuj videota ricuchina canchi. Paihuan parlashpa catingapaca uchallami tigrana canchi, tauca punllacuna yalichunga na shuyanachu canchi. Cai mushuj presentaciongunapash, congregacionbi asignaciongunapash ¿Imatata Bibliaca Yachachin? libropa capitulocunamanda llujchishca huaquin yuyaicunami canga. Cai yuyaicunaca Bibliatalla utilizashpa revisitacunata rurachun, yachachichunmi ayudanga.

Causaiman apaj ñanga shujllami can (Mat. 7:13, 14). Gentecunaca shuj shuj llactacunamanda, shuj shuj crishcacunatami charin. Chaimandami Bibliataca alicachishpa chasquichun yachachingapaj esforzarina canchi (1 Tim. 2:4). Bibliapa yachachishcacunata ñucanchillata ashtahuan ali rijsishpa, ‘na llullashpa villajuj shimita’ ashtahuan aliguta yachachishpami ashtahuan cushijushpa yachachishun, gentecunapash ashtahuan alicachishpa chasquinga (2 Tim. 2:15).