¿Tarjeta de presentación jw.org nishcata gentecunaman saquinajunchichu?

Ninan Manllanai Llaqui Punllacunaca ñallapachami chayamunga. Chaimandami gentecunamanga uchashpa villachina canchi (Prov. 24:11, 12, 20). Gentecunata ayudangapaca tarjeta de presentación nishcatapashmi charinchi. Chai tarjetami Diospa Shimita ricuchun, Internetpi jw.org direccionman yaicuchunbash ayudan. Tarjeta de presentación huashapica shuj código dibujomi tiajun. Chai codigomi ¿Imamandata Bibliata yachajuna capanchi? nishca videoman, Bibliamanda gratis yachajungapaj o ashtahuan yachangapaj imata ruranatapash ricuchin. Huaquin gentecunaca ñucanchi publicaciongunata na chasquingapaj munashpapash jw.org direccionman yaicunataca gushtanmi. Gushtajpica tarjetata cunallami canchi. Shinapash na munajpica na tarjetataca saquinachu canchi.

Imata rurajushpa o maiman rijushpapash gentecuna yachangapaj munachunga cashna ninallami canchi: “Cai tarjetagutami carangapaj munapani. Caipimi quiquin yachangapaj munashca cosascunata Internetman yaicushpa yachajuchun, videocunata gratis ricuchun ayudan” nishpa (Juan 4:7). Uchilla tarjetacuna cashcamandaca gentecunaman saquina oportunidad ricurishcandi cungapami, huaquingunata apashpa purina canchi.