Jehová Diospa mandashcacuna ali cashcatami ricuchina capanchi

Jehová Diosmi ima ali cajta, ima nali cajta nin. Chaimandami paica, shuj jari shuj huarmi cazarachun mandashca. Shinallata huañungacaman igual causachunmi mandashca (Mat. 19:4-6, 9). Shinallata ninmi, huainayanaca jatun juchami can nishpa (1 Cor. 6:9, 10). Jehová Diosta na rijsij gentecunashna ama cangapaj imashina vistirinata, arreglarinatapashmi Bibliapica yachachin (Deut. 22:5; 1 Tim. 2:9, 10).

Cunan punllapica, ashtaca gentecunami Jehovapa mandashcacunata na cazungapaj munan (Rom. 1:18-32). Cai mundopi modacunata catishpami vistirin, arreglarin, portarinbash. Nalicunata ruranajushcatapash, na pinganayachishpami jariyashpa parlanajun. Na paicunashna yuyajcunataca na alicachishpami riman (1 Ped. 4:3, 4).

Shinapash testigo de Jehovacunaca Jehová Diospa mandashcacunata alicachishcatami ricuchina capanchi (Rom. 12:9). ¿Imashinata chaita rurana capanchi? Chaipaca, Jehová Dios imata alicachishcatami aliman respetohuan parlana capanchi. Shinallata, Jehová Dios mandashca shinami causana capanchi. Chaimandami imashina vistirinata, arreglarinata agllagrinajushpaca tapurina capanchi: “¿Jehová Diospa mandashcacunata catijushcata o cai mundota catijushcatachu ricuchigrijuni? Ñucata shujcuna ricushpaca ¿Jehová Diosta sirvijushcata cuenta japingachu?” nishpa. Shinallata imapash programata o peliculata ricugrijushpaca pensarinami capanchi, Jehová Diosca ñuca imata ricugrijushcataca ¿alicachingachu? ¿Imatata caipica yachachijun? ¿Espiritualmente shinlli cashpa catita ushashachu? (Sal. 101:3). Cai programata, cai peliculata ricunaca ¿ñuca familiatapash shuj gentecunatapash ayudangachu? (1 Cor. 10:31-33).

¿Imamandata Jehová Diospa mandashcacuna ali cashcataca ricuchinapacha canchi? Jesusca ñallami tucuilla nalicunata tucuchinga. Jehová Diosta cazujcunallami salvaringa (Ezeq. 9:4-7; 1 Juan 2:15-17). Chaimandami, shuj gentecunapash ñucanchita ricushpa Jehová Diosta alabachunga, Jehová Diospa mandashcacuna ali cashcata ricuchina capanchi (1 Ped. 2:11, 12).

JEHOVÁ DIOSPA AMIGO TUCUPAI: SHUJ JARIHUAN SHUJ HUARMIHUAN NISHCA VIDEOTA RICUSHCA JIPACA, CAI TAPUICUNATA CONTESTAPANGUICHI:

• ¿Imamandata Jehová Diospa mandashcacunata cazuna capanchi?

• ¿Imamandata taitamamacunaca Jehová Diospa mandashcacunataca uchillamandapacha huahuacunamanga yachachina can?

• Shuj gentecunapash Jehová Diospa bendiciongunata chasquichunga ¿imashinata jovengunapash mayorcunapash ayudaita ushan?