Jesuspa chaquita catipashunchi

Tucuicunallata Jesuspa chaquita catipashunchi. Ashtahuanbachaca llaquicunapi cashpa o shujcuna llaquichijpimi Jesuspa chaquita catina capanchi (1Pe 2:21-23). Llaquichishpa, nalicachishpa rimajpipash Jesusca na chashnallata tigrachircachu (Mr 15:29-32). Llaquicunata aguantachunga Jesustaca ¿imata ayudarca? Jehová Diospa munaita pactachingapaj munaimandami Jesusca chai llaquicunata aguantarca (Jn 6:38). “Cushijushpa causagrinata yachashpami” Jesusca shina aguantarca (Heb 12:2).

Ñucanchi crishcacunamanda llaquichijpica ¿imatata ruranchi? Ñucanchita llaquichijpipash ‘na chashnallata tigrachinchichu’ (Ro 12:14, 17). Llaquicunapi cashpapash Jesuspa chaquita catishpaca Jehová Diospa ñaupajpica alimi ricurishun. Shina rurashpaca ñucanchillatami cushilla sintirishun (Mt 5:10-12; 1Pe 4:12-14).

JEHOVÁ DIOSPA SHUTITA JATUNYACHINAMI ASHTAHUAN ALI CAN NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Poetzinger panigu carcelpi cajpi paitalla shuj ucupi vichajpica ¿imatata rurarca?

• Chai cusahuarmiguca ¿ima llaquicunatallata chimbapurarca?

• Llaquicunata aguantachunga ¿imata chai cusahuarmitaca ayudarca?