JESUSPA CHAQUITA CATISHPA CAUSASHUNCHI
Aguantashpa catipashunchi
Diospa Reino chayamunataca ¿mashna tiempotata shuyajupangui? Llaquicunataca ¿na shaijushpachu aguantajupangui? (Ro 8:25). Huaquin huauquipanicunaca shujcuna millanayachishpa ricujpipash, macajpipash, prezo cachajpipash, huañuchishun nijpipash aguantashpami catin. Ashtacacunaca millai ungüicunahuan, mayoriashpa llaquicunahuanmi chimbapuranajun.
Ima pasajpipash aguantashpa cati ushangapaca, shinlli fetami charina capanchi. Chaipaca tucui punllacunami Bibliata liina, liishcapi yuyana capanchi. Jipa punllacunapi imata chasquinapipashmi yuyana capanchi (2Co 4:16-18; Heb 12:2, NM ). Shinallata Jehová Diostami, aguantashpa catingapaj paipa espiritu santota carahuai nishpa mañana capanchi (Lu 11:10, 13; Heb 5:7). Jehová Diosca cushilla, na shaijushpa aguantashpa catichunmi ayudanga (Col 1:11).
AGUANTASHPAMI ÑAUPAMAN CATINA CANCHI: JAPIGRINATACA YARIA SHUYASHPA CAUSASHUN NISHCA VIDEOTA RICUSHCA JIPACA, CAI TAPUICUNATA CONTESTAPANGUI:
¿Imata na yashcapi pasai ushan? (Ec 9:12).
Jehovata mañanaca ¿imashinata llaquicunata chimbapurachun ayudan?
Pundashna Jehová Diosta ñana sirvi ushajushpaca ¿imamandata cunanbi rurai ushashcapi pensana capanchi?
Jehová Dios caranataca yariami causana capanchi.
Japigrinata yaria shuyashpa causachunga ¿imata quiquindaca ayudan?