Jehová Diosca ñucanchi alita rurashcacunataca na cungangachu

Jehová Diosta sirvishpami paipa ñaupajpi ali ruraicunata rurapanchi. Chai ruraicunataca Jehová Diosca nunca na cungangachu. Imashinami shuj taita paipa huahuapa ali ruraicunata cushijushpa yuyarin, shinallatami Jehová Diospash ñucanchi ali ruraicunata cushijushpa yuyarin. Shinallata paipa shutita juyashcata ricuchishcamandapashmi ñucanchitaca juyaihuan yuyarin (Mt 6:20; Heb 6:10). Tucuicunallatami shuj shuj cosascunata ruraita ushapanchi. Shinapash Jehová Diosta sirvingapaj tucui ñucanchi usharishcaguta rurashpaca cushillami sintiripashun (Gál 6:4; Col 3:23, NM ). Ashtaca huauquipanicunami Betelpi sirvishca. ¿Nachu ñucanchipash Betelpi sirvingapaj munapanchi? Na cashpaca ¿Nachu shuj huauquipanicunata Betelpi sirvichun animaita ushapanchi? O Familiamanda pipash Betelpi sirvijushpaca ¿nachu Betelpi sirvishpa catichun apoyaita ushapanchi?

BETELPI SIRVINGAPAJ MUNASHPACA ¿IMATATA RURANA CAPANGUI? NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• ¿Ima munaihuanda Betelpi sirvina capanchi?

• Betelpi sirvij tauca huauquipanicunaca ¿ima bendiciongunatata chasquishca?

• Betelpi sirvingapaca ¿imacunatallata pactachina capanchi?

• Betelpi sirvingapaca ¿imatata rurana capanchi?