Jehová Diosca limpio cachunmi munan

Jehová Diosca limpio Diosmi can. Chaimi ñucanchicunataca limpio causachun munan. Ashtaca taitamamacunaca paipa huahuacuna limpio causachun munaimandami maquicunata maillarichun, paicunapa cuartota limpiachun, huasita fichachun, basurata shitachunbashmi yachachin (Éx 30:18-20; Dt 23:14; 2Co 7:1). Maquicunata maillarishpa, ñucanchi cosascunata limpio charishpaca Jehovatami jatunyachinajunchi (1Pe 1:14-16). Tapuripashunchi: Ñuca huasipash, ñuca causajuj pushtupash ¿limpiochu can? Ashtaca gentecunaca ñangunapi, parquecunapi basurataca shitanllami. Cutin Jesusta ali catijcunaca tucui cai alpata limpio charingapami esforzaripanchi (Sl 115:16; Apoc 11:18). Caramelopa fundacunata, botellacunata, chicleta maipipash shitashpaca na limpio cashcatami ricuchinajunchiman. Ñucanchi imata rurashpapash ‘Taita Diospa’ sirvijcuna cashcatami ricuchingapaj munapanchi (2Co 6:3, 4).

JEHOVÁ DIOSCA LIMPIO CACHUNMI MUNAN NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Huaquin gentecunaca ¿imamandata paicunapa cosascunataca na limpiota charin?

• Jehová Diosca ñucanchicuna limpio causachun munashcataca ¿imashinata Moisesman cushca Leypica ricuchin?

• ¿Imashinata Jehová Diostaca jatunyachi ushapanchi?