Ashtahuan aliguta villachishunchi: Gentecuna yachangapaj munashca temacunata parlapashunchi

¿IMAMANDATA MINISHTIRISHCA CAN? Ungidocunapash, shuj llamagucunapashmi mundo enteromanda ashtaca gentecunataca “causaita cuj yacuguta” gratis ufiachun invitanajun (Ap 22:17). ‘Causaita cuj yacuca’ cazuj gentecunata juchamanda, huañuimandapash salvangapaj Jehová Dios imata rurashcatami ricuchin. Shinaca shuj shuj costumbrecunata, crishcacunata charij gentecuna ‘causaita causaicaman quishpichij villaicunata’ uyachunmi, paicuna uyangapaj munashca temacunamanda parlana capanchi (Ap 14:6).

¿IMATATA RURASHUN?

• Quiquin causajuj pushtupi gentecunapa shunguman chayangapaca shuj temata, Bibliamanda shuj textota agllapangui. Villachingapaj yuyaicuna nishcamanda catita ushapangui. O shuj yuyaicunamandapashmi parlaita ushapangui. Tapuripai: Gentecunahuanga ¿maijan temamanda parlana o maijan textota utilizanata ali canman? Ñuca causajuj pushtupica ¿ima noticiacunamandata gentecunaca parlanajun? Jaricunapash, huarmicunapash ¿imacunamandata parlanata gushtan?

• Quiquin causajuj pushtupi gentecuna imashna saludanata, ima costumbrecunata charishcatami rijsina capangui (2Co 6:3, 4).

• Yachachingapaj publicacionguna nishca partepi tiashca publicaciongunata, videocunata alimi rijsina capangui. Shinami aliguta yachachi ushapangui.

• Quiquin causajun pushtupi shuj shimita parlaj gentecuna tiajpica, chai shimipi tiashca publicaciongunata, videocunatapashmi descargana capangui.

• Gentecuna yachangapaj munashca temamanda parlapangui (1Co 9:19-23). Por ejemplo, quiquin villachijushca personapa familiamanda pipash huañushcata yachashpaca ¿imatata nipanguiman?

VIDEOTA RICUCHISHCA JIPACA, CAI CATI TAPUICUNATA CONTESTAPANGUI:

• Chai publicadorca ¿ima temamandata parlai callarirca?

• Chai personaca ¿imamandata preocuparishca carca?

• ¿Maijan textota liinata ali canman carca?

• Quiquin causaj pushtupi gentecuna ali villaigucunata uyachunga ¿imashinata villachipangui?