BIBLIAPA VALISHCA YUYAICUNA | ÉXODO 10, 11

Moisespash, Aaronbash na manllarcachu

10:3-6, 24-26, 28; 11:4-8

Punda tiempopica Faraonga tucui mandajcunamanda ashtahuan yalimi carca. Chaimi Moisespash, Aaronbash Faraonhuan parlangapaca na manllana carca. Chaipaca ¿imata Moisestapash, Aarondapash ayudarca? Moisesmanda parlashpami Bibliapica cashna nin: “Moisesca crishpallami, Egipto llactata jatun mandaj fiñanatapash na manllashpa, chai llactataca saquishpa rishca. Pipaj ñavipipash na ricurij Diostaca ricujunshna yarijushpami, aligutapacha catishca” nishpa (Heb 11:27). Shinaca Moisespash, Aaronbash tucui shunguhuanmi Jehová Diospica crirca.

Autoridadta charijcunata ñucanchi crishcacunamanda na manllashpa parlangapaca ¿imatata rurai ushanchi?

Fotocuna: ¿Imacunapillata na manllajcuna caita ushanchi? 1. Shuj huahuacuna banderata saludanajun, shinapash shuj huahuaca banderataca na saludanllu. 2. Shuj huauquica juezcunapa ñaupapimi tiajun. 3. Shuj joven huauquigumi policiacuna huashata yalijujpipash, shuj jariman villachijun.