JESUSPA CHAQUITA CATISHPA CAUSASHUNCHI
Jehová Dios pitapash disciplinajpica, Jehová Diosta cazushpami juyaita ricuchinchi
Juchata rurajcunata congregacionmanda llujchishpaca, congregacionbi shuj huauquipanicunapash ama pandarichun, shinallata juchata rurajpash arripintirichunmi ayudan (1Co 5:6, 11). Jehová Dios pitapash disciplinajpica, Jehová Diosta cazushpami juyaita ricuchinchi. Congregacionmanda pitapash llujchijpi familiacuna, comité judicialta ruraj huauquicuna ninanda llaquiyajpipash ¿imamandata congregacionmanda llujchishpaca juyaitami ricuchinchi ninchi?
Jehová Dios pitapash disciplinajpica paita cazushpami Jehová Diosta ama yangata rimachun munashcata, paipa mandashcacunatapash juyashcata, respetashcata ricuchinchi (1Pe 1:14-16). Shinallata juchata rurajtapash juyashcatami ricuchinchi. Disciplinata chasquishpaca nipipash na cushijunllu. Shinapash disciplinata chasquinami ‘tranquilo ali causaita charichun’ ayudanga (Heb 12:5, 6, 11, NM ). Congregacionmanda llujchi tucushcacunahuan, shinallata paicunapa munai ñana testigo de Jehová cangapaj munajcunahuan imagumandapash tandanajushpaca Jehová Dios paicunata disciplinachunga na ayudanajunchimanllu. Jehová Diosca ‘imashna llaquichina cashcatallami llaquichin o disciplinan’ (Jer 30:11). Congregacionmanda llujchi tucushcacuna Jehová Diospaman cutin tigrangacamanga Jehová Diosta sirvishpa, cazushpami catina capanchi (Is 1:16-18; 55:7).
JEHOVÁ DIOSTA TUCUI SHUNGUHUAN JUYAPASHUNCHI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:
Taitamamacunaca paicunapa churicuna Jehová Diosta sirvinata saquijpica ¿imashinata sintirin?
Congregacionmanda huauquipanicunaca ¿imashinata congregacionmanda llujchi tucushcapa familiataca ayudaita ushan?
¿Bibliapica maijan ejemplota ñucanchi familiata yali Jehová Diosta ashtahuan juyana cashcata yachachin?
¿Imata rurashpata ñucanchi familiatapash yali Jehová Diosta ashtahuan juyashcata ricuchinchi?