Taitamamacuna huahuacunata imashna difindirinata yachachipaichi

Cunanbi gentecunaca nalitarami ali nin. Cutin alitaca nalichu can ninmi (Is 5:20). Ashtacacunami Jehová Dios na ricunayachishca cosascunata rurashpa causan. Huaquinbica huarmipurallata, jaripurallatami pinganayaita portarin. Huahuacunataca escuelapi o colegiopi cumbacuna o shuj gentecunapashmi paicunashnallata nalicunata rurachun imatapash ninajunga. Nalicunata rurachun atichinajujpi, huahuacuna imata ruranata yachachunga ¿imashinata taitamamacunaca ayudaita ushan?

Jehovapa mandashcacunata yachachipashunchi (Le 18:3). Huahuacuna ima edadta charijta ricushpami jarihuan huarmihuan canamanda Bibliapi imata nijujta yachachina capanchi (Dt 6:7). Pensaripashunchi: “¿Huahuacunamanga huaquin partecunata ni pipash na tacarina cashcataca yachachishcanichu? ¿Aliguta pensarishpa mudarina cashcataca yachanllu? ¿Huahuacunaca huaquin ruraicunapaca paicunalla cana cashcataca yachanllu? Pipash pornografiata ricuchingapaj munajpi o imapash nalita rurachun atichinajujpica ¿imata ruranataca yachanllu?” Cunanmandallata imata ruranata ali yachashpaca ashtaca problemacunamandami salvaringa (Pr 27:12; Ec 7:12). Huahuacunaca Jehovapa carashca herenciami. Chaimi huahuacunata aliguta yachachishpaca chai herenciata ninanda valichishcata ricuchipanchi (Sl 127:3).

FAMILIA UCUPI SHINLLITA SHAYACHISHCA HUASISHNA CACHUN AYUDASHUNCHI: ÑUCANCHI HUAHUACUNATA ‘NALI RURAICUNAMANDA’ CUIDASHUNCHI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• 

  Huaquin taitamamacunapaca ¿imamandata huahuacunahuan jarihuan huarmihuan canamanda parlanaca shinlli can?

• 

  Taitamamacunaca ¿imamandata huahuacunataca ‘shinllita tacurishpa aliguta yarichishpa, Jehová Dios munashcashna’ viñachina can? (Ef 6:4, La Biblia. Traducción del Nuevo Mundo [TNM]).

• 

  Jehovapa organizacionga ¿ima ayudacunatata taitamamacunamanga carashca? (w19.05 12).

• ¿Imamandata nara imapash pasajpillata taitamamacunaca huahuacunahuan aliguta parlarina can?