BIBLIAPA VALISHCA YUYAICUNA

Jehová Diosca paita sirvijcunataca aligutami organizashca

[Números Libromanda Yachajui Callaringapaj Yuyaicuna videota ricuchipangui].

Israelitacunaca Tabernáculo carpa muyundipimi tiarin carca. Cada ladopimi quimsa familiacuna causangapaj tiarin carca (Nú 1:52, TNM; 1:53; w94-S 1/12 9 párr. 4).

Israelitacunandi, israelitacunapurapi causajcunandica 3 millón yali gentecunami carianga (Nú 2:32, 33; it-1-S 403 párr. 1).

Jehová Diosca paita aliguta sirvichunmi munan. Chaimandami punda tiempopica paita ali sirvichun israelitacunataca organizarca. Cunanbipashmi Jehová Diosca paipa sirvijcunataca organizadota charin (1Co 14:33, TNM; 14:40).

Israelitacuna imashna causangapaj tiarin carca ricuchij dibujo. Centropica Tabernáculo carpa huasimi tiajun. Tabernáculo carpa huasi ladollapimi levitacunaca causan carca: Aaronba familiaca indi llujshimuj ladopimi causan carca. Cohatitacunaca chaishuj ladopimi causan carca, guersonitacunaca indi huashajuj ladopimi causan carca, meraritacunaca jahua ladomanga causan carca. Cutin Tabernáculo carpa huasimanda ashtahuan carullapica 12 jatun familiacunami causan carca. Indi llujshimuj ladomanga Isacarpa, Judapa y Zabulonba familiacunami causan carca; cutin caishuj ladomanga Gadpa, Rubenba y Simeonba familiacunami causan carca; shinallata indi huashajuj ladomanga Benjaminba, Efrainba y Manasespa familiacunami causan carca; Shinallata jahua ladomanga Neftalipa, Danba y Aserpa familiacunami causan carca.

CASHNA TAPURIPAI: “¿Imashinata Jehová Diospa organizaciondaca apoyaita ushapani?”.