Ñallapacha paraíso alpagupi causanata villachishunchi

Noviembre quillapica tucui gentecunamanmi, ñallapachami tucuicunallata paraíso alpagupi causagrinchi nishpa villachishun (Sl 37:10, 11; Ap 21:3-5). Cai campañapi participangapaca cunanmandallata imata ruranata ricupashunchi. Chai quillapi precursor auxiliarta japij huauquipanicunaca 30 o 50 horascunatami villachita ushanga.

Chai quillapica paraíso alpagumanda parlaj shuj textota liishpa villachipangui. Quiquinba territoriopi gentecuna imamanda ashtahuan yachangapaj munajta ricushpa textota agllashpa liipangui. Si pipash ashtahuan yachajungapaj munashpaca Villajun núm. 2 2021​pi llujshishca revistata saquipangui. Shinallata uchalla chai personata visitashpa Cushilla causapashunchi folletohuan Bibliamanda yachachi callaripangui. Cunanbi ‘ali villaigucunata’ villachijushcamandami ninanda cushijupanchi (Is 52:7).

PARAISOCA ÑALLAMI CHAYAMUNGA, NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Videomanda jovencitaca ¿imapita pensarijun?

• Quiquinga paraíso alpagupi ¿ima pactarichunda ashtahuanbachaca munapangui?

• Paraíso alpagupi pensarinaca ¿imashinata noviembre quillapi tiagrijuj campañapi participachun quiquindaca ayudanga? (Lu 6:45).