JESUSPA CHAQUITA CATISHPA CAUSASHUNCHI
¿Picunata internetpi quiquinba amigocuna can?
Ali amigocunaca paicunapurami randimanda ali llevarin. Por ejemplo, Davidca Goliatta huañuchishca jipami Jonatán runaguhuanga ali amigocuna tucurca (1Sa 18:1). Paicunaca paicunapura randimanda ali cualidadcunata ricushpami ali amigocuna tucurca. Shinaca ali amigocunata charingapaca paicunataca ali alimi rijsina can. Chaipaca tiempo y esfuerzomi minishtirin. Shinapash redes socialescunapica ñapashmi amigocunataca tarita usharin. Pero chaipica gentecunaca paicunamandaca na cabal informaciondaca churanllu. Chaimandami redes socialespi na ashta ali rijsishca personacunapa solicitudtaca na aceptana can. Redes sociales nishcata utilizanaca peligrosomi can. Chaimandami huaquingunaca redes sociales nishcataca charitallapash na charingapaj munashca. Pero redes sociales nishcata charingapaj munashpaca ¿imashinata utilizana capangui?
INTERNETTACA ALIGUTAMI UTILIZANA CANGUI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:
Internetpi nara fotocunata churashpallata o nara imacunatapash nishpallata ¿imacunapita primeroca pensarina capanchi?
¿Imamandata internetpica solicitudcunataca na ñapash aceptanalla capanchi?
¿Imamandata redes sociales nishcapi na yapa tiempota yalina capanchi? (Ef 5:15, 16, TNM).