JESUSPA CHAQUITA CATISHPA CAUSASHUNCHI
Jehová ñucanchita ricunshnami ñucanchipash ricurina capanchi
Bibliapica Jehová Diosca “paipa agllashcacunahuanmi cushijun” ninmi (Sl 149:4). Jehová Diosca ñucanchicuna juchayucuna cajpipash ñucanchicuna imata rurai ushashcata, ima cualidadcunata charijtapashmi ricun. Pero huaquinbica Jehová Dios ñucanchita ricunshna ñucanchicunapash ricurinaca na facilchu can. Por ejemplo, shujcuna ñucanchita nali tratashcamanda o pundapi pandarishcacunata cutin cutin yarijuimandami imapapash na valinshna sintirishpa, “Jehová Dios ñucata juyachunga na mericinichu” nishpa pensaita ushanchiman. Quiquin shina sintirijujpica ¿imata ayudaita ushan?
Jehová Diosca gentecuna ricunshnaca na imatapash ricunllu (1Sa 16:7). Paica ñucanchipica ñucanchicuna na ricui ushashca cosascunatami ricun. Bibliata charimandami Jehová ñucanchicunapi ima cosascunatalla ricun cashcata yachapanchi. Bibliamanda huaquin versocunata liishpa, punda Diosta sirvijcunapa causaimanda liishpami Jehová Dios paipa sirvijcunata ninanda juyashcata cuenta japita ushapanchi.
JEHOVÁ DIOS PERDONASHCATACA TUCUI SHUNGUHUAN CONFIAPAI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:
Carrerapi calpajuj joven y paipa taitaca ¿imatata Jehová Diosmandaca yachachin?
Shuj huauqui o pani shuj jatun pecadota rurashca jipa Jehová Dioshuan cutin ali amigo tucushpaca ¿imashinata Jehová paita perdonashcataca seguro caita ushan? (1Jn 3:19, 20).
Rey Davidpa y Jehosafatpa causaimanda liina y chai liishcacunapi pensarinaca ¿imashinata shuj huauquigutaca ayudarca?