¿Cai mundoca tucuringacha?

Pero ¿imata na tucuringa?

GENTECUNA

Bibliapica ¿imatata nin? Bibliapica Taita Diosca cai alpataca “na yanga tiachunga rurarcachu, ashtahuangarin chaipi causanajuchunmi rurarca” ninmi (ISAÍAS 45:18).

CAI ALPA

Bibliapica ¿imatata nin? Bibliapica “shuj miraicunaca chinganmi, shuj miraicunami huacharin. Ashtahuangarin cai pachaca, causaita causaicaman tiajunllami” ninmi (ECLESIASTÉS 1:4).

CAI SHIMICUNACA ¿IMATATA NISHA NIN? Bibliapica cai Alpa tucurinataca na nijunllu, más bien cai alpapi gentecuna causashpa catichun cai alpa nunca na tucurinatami nin. Pero Bibliapi tucurimui punllamanda parlashpaca ¿imatata ningapaj munan?

CAIPI YUYAPAI. Bibliapica tucurimui punllamanda parlashpaca Noepa tiempopi ima pasashcahuanmi comparan. Chai tiempocunapica gentecunaca ‘paicunamandami llaquichirishpa’ causan carca (Génesis 6:13). Shinapash chai tiempocunapi Noé runagulla Taita Diosta cazun cashcamandami, Taita Diosca Noetapash y paipa familiatapash chai Jatun Manllanai Tamiamanda salvashpa nali gentecunataca tucuchirca. Chaimandami Bibliapica cashnami nin: “Ñaupa punllacunapica, cai pachapi ima tiashcapash, yacupi huashajushpa tucurishca” nishpa (2 Pedro 3:6). Shinaca Noepa punllacunapica ¿imata pasarca? Cai alpaca na tucurircachu. Ashtahuangarin nali gentecunami tucurirca. Shinaca Bibliapi tucurimui punllamanda parlashpaca, Noepa tiempopishna nali gentecuna, nali ruraicuna tucurinamandami parlan.

Pero ¿imashi tucuringa?

PROBLEMACUNA Y NALI GENTECUNA

Bibliaca ¿imatata nin? Bibliapica, “cunanmanda asha punlla jipaca, nali runaca illangami. Pai tiajushca pushtuta can ricujpica, chaipica illangami. Ashtahuangarin na jariyajcunami, llactataca [o Alpataca] japinga. Casilla ali causaihuanmi, ninanda cushijunajunga” ninmi (SALMO 37:10, 11).

CAI SHIMICUNACA ¿IMATATA NISHA NIN? Noepa tiempopi Jatun Manllanai Tamiapi nali gentecuna tucurijpipash, tiempohuanga cutinmi nali gentecuna tiai callarishpa llaquicunapash cutin ricurirca. Shinapash ñallami Taita Diosca nali gentecunataca tucuchishpapacha saquinga. Chaimandami salmista runagupash, “nali runaca illangami” nirca. Chaitaca Taita Diosca paipa gobiernopimi pactachinga. Shinallata cai alpapi Taita Diosta cazuj tucuilla gentecunatami Diospa Gobiernoca cielomanda mandanga.

CAIPI YUYAPAI. Cai alpapi gobiernocunahuanga ¿imata pasanga? ¿Taita Diospa Gobiernota apoyangapaj munangacha? Bibliapica na apoyangachu ninmi. Ashtahuangarin Taita Diospa contrami tucunga ninmi (Salmo 2:2). Shinapash Taita Diosca cai mundopi tiashca tucui gobiernocunata tucuchishpami, paipa Gobiernolla cai alpata para siempre ‘mandachun churanga’ (Daniel 2:44). Pero ¿imamandata gentecunapa gobiernoca ñana mandashpa catina can?

GENTECUNACA ñana mandanachu can

Bibliapica ¿imatata nin? Bibliapica “runapaj causaica na paipajchu. Pipash quiquin causaitaca, na mandai ushanllu” ninmi (JEREMÍAS 10:23).

CAI SHIMICUNACA ¿IMATATA NISHA NIN? Gentecunaca siemprepachami Diospa ayudataca minishtipashcanchi. Chaimandami cai alpapi gobiernocunaca aliguta mandaitapash, gentecunapa llaquicunatapash na tucuchita ushashca.

CAIPI YUYAPAI. La enciclopedia Britannica Academic nishca libropica ninmi: “Gobiernocunaca cai alpamanda pobrezata, yarjaita, ungüicunata, terremotocunata, acapanacunata, guerracunata y shuj llaquicunatapash tucuchingapaj munashpapash na tucuchi ushashcachu. Shinallata huaquingunacarin shuj ali gobiernollami cai llaquicunataca tucuchita ushanga” nishpa. Cai alpapi tiashca tucuilla llaquicunata tucuchingapaj mundo enteromanda tucuilla gobiernocuna tandanajushpapash, juchayuj gentecuna caimandami paicunaca cai mundopi llaquicunata tucuchitaca na ushan. Chaimandami solo Taita Diospa Gobiernollami cai tucui llaquicunataca tucuchita ushanga.

Shinaca ali gentegucunaca Bibliapi parlashca tucurimui punllataca na manllanachu can. Chaipa randica, cai alpamanda tucui nalicunata Taita Dios tucuchishpa, shuj mushuj causaiguta caranata yachashpami cushilla sintirina capanchi.

Shinapash caica ¿ima horashi pactaringa? Caita yachangapaca Bibliapi imata yachachijta cati temapi ricupashun.