Taita Diosca quiquinda cuidangapami munan
BIBLIAPICA alipacha consejocunatami tarinchi. Taita Diosmandami shamun. Bibliaca jambingapaj libroca na canllu. Shinapash ali consejocunatami cun. Yapa preocupado sintirishpa, nali pensamientocunata, llaquilla pensamientocunata charishpa, shinallata físicamente o emocionalmente ungushca cashpa, ñaupaman catingapaj imata ruranata yachachunmi ayudan.
Ashtahuanbash Bibliapica ñucanchita ruraj Jehováa Diosllami, tucuicunatapash yali ñucanchi imata pensashcata, imashina sintirishcata ali yachan ninmi. Paica ñucanchita cuidangapaj, shinlli llaquicunata aguantajujpi, ñucanchi ladopi cangapami munan. Por ejemplo, Bibliapa cai ishcai textocunapi pensaripai. Ninandami animanga.
“Mandaj Diosca, shungupi ninanda llaquirishpa causajcunapaj ladopimi. Shungupi ninanda llaquirishpa causajcunatami quishpichin” (SALMO 34:18).
“Cangunata Mandaj Taita Dios ñucami, cangunapaj ali lado maquimanda pushaj cani. Ñucami cangunataca: ‘Na manllanachu canguichi, ñucami ayudasha’ nini” (ISAÍAS 41:13).
Shinaca ¿imashinata Jehová Diosca salud mental unguita chimbapurachun ayudan? Cati temapica, Jehová ciertopacha ñucanchita cuidangapaj munashpa ashtaca ayudajcunata cujtami ricupangui.
a Taita Diosca Jehová shutimi can (Salmo 83:18).