Salud mental unguita charijcunata ayudapashunchi

¿Imatata nisha nin?

Shuj amigo salud mental unguihuan cajpi, paita imashina ayudanata na atinanaca normalmi can. Pero paipa unguita aguantashpa catichun ayudashpaca, paita juyashcatami ricuchinajunchi.

¿Imashinata ayudai ushanchi?

‘Uyangapaj listomi cana canguichi’ (SANTIAGO 1:19).

Shuj amigota ayudangapaca, pai parlangapaj munajpica aligutami uyana capanchi. Tucuipa respuestata charinaca na minishtirinllu. Quiquinba amigoca, paita uyangapaj munashcata, paipi tucui shunguhuan preocuparishcatami sintina can. Pai imamanda shina sintirijta intindingapaj esforzaripai. Na paita juzgana, rimajunachu capangui. Caitapash yaripai, quiquinba amigoca imatapash ningallami. Shinapash jipamanga arripintirishpami, na shinachu nina carcani nishpa pensanga (Job 6:2, 3).

‘Llaquilla cajcunata cushichipaichi’ (1 TESALONICENSES 5:14).

Tal vez quiquinba amigoca preocupado, llaquilla o imapapash na valij shinami sintirita ushan. Chaimandami paimanda preocuparishcataca ricuchina capangui. Shinami imatapacha ninata na atinashpapash, quiquinba amigotaca cushichita, animaita ushapangui.

“Ali cumbaguca paipaj cumbataca, tucui causaipimi juyajun” (PROVERBIOS 17:17).

Quiquinba ayudata ofrecipai. ‘Ñuca amigota imashina ayudanataca ñami yachani’ ninapa randica, ‘¿imapita ayudachun minishtingui?’ nishpami tapuna capanchi. Quiquinba amigoca tal vez chai ratoca imatapacha minishtijushcataca na nita ushangachu. Shina pasajpica quiquinmi huaquin ideacunata cui ushangui, por ejemplo puringapaj rita ushanguichi. O tal vez comprasguta rurashpa, huasiguta fichashpa, o shuj shuj ruraicunapimi ayudaita ushapanchi (Gálatas 6:2).

“Pacienciata charina” (1 TESALONICENSES 5:14).

Quizás quiquinba amigoca na siempre parlangapaj munangachu. Shinapash pai imahora parlangapaj munajpi, quiquin uyangapaj listo cashcatami nina capangui. Paipa unguimandami imatapash nishpa o imatapash rurashpa quiquinda llaquichinga o imatapash rurangapaj ari nishca jipalla na pactachinga o culiranga. Quiquinba amigota ayudangapaca, paita intindina, pacienciata charinami cangui (Proverbios 18:24).

Quiquinba ayudami quiquinba amigotaca ayudaita ushan

“Ali amiga cangapami esforzarini. Ñucapa amigapa problemacunataca na tucuita arreglai ushanichu. Shinapash, pai parlangapaj munajpica uyangapallapash siempremi chaipi cani. Huaquinbicarin ali sintiringapaca, pipash uyachunllami minishtirin” (Farrah,a paica depresión clínica, trastornos alimentarios, ansiedad unguitapash sufrij amigatami charin).

“Ñucata juyaj, cushi cushi amigatami charini. Shuj punllaca paipa huasiman invitashpami shuj mishqui micunaguta carahuarca. Shinami cushilla, tranquilo sintirishpa paimanga tucui tucuita parlai usharcani. Ninandami animarircani” (Ha-eun, paica depresión clínica unguitami charin).

“Pacienciata charinaca importantepachami can. Ñuca huarmigu imatapash nishpa culirachijpica, na paipa culpamanda cashcata sino paipa unguimanda cashcatami yarini. Chaita yarinami, paihuan culiranapa randica pacienciahuan tratachun ayudahuashca” (Jacob, paipa huarmiguca depresión clínica charin).

“Ñuca huarmiguca siempremi apoyahuashca, ayudahuashca. Ansiedad ungui atacajujpica imatapash rurachunga nunca na obligahuanllu. Chaimi huaquinbica pai rurangapaj munashca cosascunata rurana munaihuan quidan. Paica na mitsa, ñucamanda sacrificaringapaj dispuestami can. Paica alipacha huarmigumi can” (Enrico, paica ansiedad unguitami charin).