Estudiangapaj consejocuna
¿Jehovata sirvijcunapa causaimanda liinata gushtapanguichu?
Shuj cusahuarmica cada punllami Jehovata sirvijcunapa shuj experienciata liinata yachan. Paicunaca: “Cai experienciacunata liinaca ninandami animan. Shinallata ima pasajpipash Jehová Diosta tucui shunguhuan sirvishpa cati ushashcata yarichunmi ayudan” ninmi. Shuj panigupash cashnami nin: “Cai experienciacunaca ninanda animachishpami shunguman chayan. Cai turiñañacunapa experienciacunata liishpami paicunashnallata ñucapash ashtahuan aliguta predicangapaj munani. Shinallata ñuca huahuacunapash Jehová Diosta tiempo completopi sirvichunmi ayudangapaj munani” ninmi.
Jehovata sirvijcunapa causaimanda liinaca Jehová Diosta ashtahuan sirvingapaj munachun, nali munaicunata mishachun y llaquicunata charishpapash cushilla aguantashpa catichunmi quiquindaca ayudaita ushan. Cai experienciacunataca ¿maipita liita ushapangui?
Chaipaca jw.org paginapi o JW Library® aplicacionbi “Biografías de testigos de Jehová” nishcata mascapangui.
Shinallata BIBLIOTECA EN LINEA Watchtower o Watchtower Librarypi “Biografías de testigos de Jehová” nishcata mascapangui.