Estudiangapaj consejocuna

Ashtahuan importante cosascunatara estudiapai

Huaquinbica tiempomandami ñucanchi munashcashna estudio personalta charinaca na fácil can. Shinaca tiempota ali aprovechangapaca ¿imatata ruraita ushapangui? Estudiajushpaca tiempota aliguta aprovechapangui. Chaipaca ashtaca informacionda ñapash liinapa randica ashalla informacionda alipacha intindishpami yachajuita ushapangui.

Chai jipaca ashtahuan importante cosascunatara estudiapangui (Efes. 5:15, 16). Cai cati consejocunatapash catipai:

• Cada punlla Bibliata liipangui (Sal. 1:2). Bibliata lii callaringapaca chaupi semana reunionba Bibliamanda asignashca capitulocunata liita ushapangui.

• Nara tandanajuiman rishpallata Villajun revistata y chaupi semana reunionba partecunata estudiapai. Shinallata tandanajuipi comentangapapash prepararipai (Sal. 22:22).

• Shuj informaciongunatapash estudiangapaj, ricungapaj esforzaripai. Por ejemplo, tucui gentecunapa Villajun revistata, videocunata y jw.org paginapi llujshishca informaciongunatapash ricuita ushapangui.

• Quiquin munashca temacunatapash yachajungapami tiempota llujchita ushapangui. Por ejemplo, quiquin charishca problemamanda, tapuicunamandami informacionda mascaita ushapangui. O Bibliamanda imatapash ashtahuan ali intindingapami estudiaita ushapangui. JW.ORG paginapi, “Actividades para estudiar la Biblia” nishca partepimi estudiangapaj ashtahuan yuyaicunata tari ushapangui.