Ima ali, ima nali cashcata decidingapaca aligutami pensarina capanchi

Shuj na rijsishca lugarman ringapaj munashpaca ¿imatata rurapanguiman?

1. 1. ¿Quiquinba ricuipilla maita rina ali cashcata ricushpallachu ripanguiman?

2. 2. ¿“Maijanbash chai lugarta rijsingami” yashpallachu pitapash catishpa ripanguiman?

3. 3. Na cashpaca ¿shuj mapa nishcapi ricushpa o shuj GPS nishcapi ricushpachu ripanguiman? ¿O chai lugarta rijsij shuj amigota tapushpachu ripanguiman?

Primer y segundo yuyaita agllashpaca maimanbash chayagripanguimanmi. Shinapash quiquin munashca lugarmanga na chayagripanguimanllu. Cutin tercer yuyaita agllashpaca más seguromi quiquin munashca lugarman chayagri ushapangui.

Ñucanchi causaipica shuj na rijsishca lugarman chayangapaj ñanda mascajunshnami causapanchi. Tucuicunami chai ñanda taringapaj munapanchi. Y chaica cushilla causaita tarinatami ricuchin. Shinaca chai ñanda taringapaca shuj ali decisionda japina y shuj confiable ayudata charinami minishtirin.

Ñucanchi causaipi agllashca decisiongunaca mayoriaca na yapa importantechu can. Shinapash huaquin decisiongunaca tucui causaipami can. Cai decisiongunami ñucanchicuna imashina canata, ima ali cashcata o ima nali cashcata ricuchunbashmi ayudanga. Y cai decisiongunaca ñucanchipa tucui causaipi, ñucanchipa familiacunapa causaipipash alipa o nalipami afectaita ushan. Maijanguna cajta cati yuyaipi ricupashun:

• Relaciones sexualesmanda y matrimoniomanda.

• Honrado canamanda, trabajomanda y culquimanda.

• Huahuacunata viñachinamanda.

• Shujcunahuan llevarinamanda.

Quiquinga ¿imashinata yachai ushapangui quiquinba decisionguna quiquinda y quiquinba familiata cushilla causachun ayudai ushanata?

Cai tapuipica tucuicunami pensarina canchi: “Shuj ali decisionda agllangapaca ¿imapita confiaita ushapani?” nishpa.

Cai revistapimi ima ali cashcata yachangapaj Biblia ayudai ushashcata ricuita ushapangui.